Senbilikke 140 myńnan astam elorda turǵyny qatysty
ASTANA. QazAqparat -21 sáýir kúni jalpyqalalyq aktsııaǵa 140 myńnan astam Astana turǵyny qatysty, sonymen qatar 5 315 kásiporyn, mekeme, uıym atsalysty, dep habarlaıdy elorda ákimdiginiń resmı saıty.
Qalada saıabaqtar men gúlzarlarda jalpy alańy 2,7 mln m2 jer tazartyldy, 8000 aǵashty áktedi, 5 090 aǵash pen tal otyrǵyzyldy. Astanada tal, úıeńki, qaraǵaı, terek, emen, sheten aǵashtary kóbeıe túspek. Kóshet otyrǵyzýdan «Esil» aýdany alǵa ozyp shyqty.
Almaty aýdanynda 1 300 kóshet otyrǵyzyldy, Baıqońyr aýdanynda - 500, Esil aýdanynda - 2 975 aǵash pen 274 buta, Saryarqa aýdanynda - 495 kóshet otyrǵyzyldy.
Senbilikte saǵat 14:00-ge deıin polıgonǵa 687,88 tonna qaldyq shyǵaryldy, 166 reıs jasaldy. Qalany tazartýǵa 200 biregeı júk kóligi men 387 júk kóligi jumyldyryldy.
Ózen jaǵalaýynyń sanıtarlyq tazalyǵyn qamtamasyz etý maqsatynda Astana ákimdigi Esil ózeni, Aqbulaq, Sarybulaq jylǵasynda ekologııalyq aktsııa ótkizildi. Aktsııaǵa L. Gýmılev atyndaǵy Eýrazııa ulttyq ýnıversıtetiniń 150-den astam stýdenti men qaladaǵy áskerı bólimniń áskerı qyzmetshileri qatysty.
Ekologııalyq aılyqqa mınıstrlik, agenttik, astana máslıhaty, Astana qalasy ákimdiginiń apparaty, atqarýshy organdardyń ortalyq aýmaqtyq bólimshesi, ardagerler keńesi, kásipodaq pen qoǵamdyq birlestikter belsene qatysty.
Shaǵyn jáne orta bıznes qyzmetkerleri qosalqy aýmaqtardy tazalady. Al kommýnaldyq qyzmet pen merdiger uıymdar ishki turǵyn úı oramyn abattandyrý, balalar oıyn jabdyqtary men sport alańdaryn, tas tóselgen kóshelerdi, jol jıekterin tazalady. Osyǵan qosa, ınjenerlik jeli men kommýnıkatsııa, nysannyń syrtyndaǵy túzeýge kelmeıtin jarnamalardy, jýǵysh (moıka) quraldary, sharýaǵa jaramsyz jáne kereksiz qaldyrylǵan kólikterdi shyǵaryp tastady. Kóshe men saıabaqtardaǵy kabel jelileri retke keltirildi.
Eske sala keteıik, bas qalada «Astana - taza ári qaýipsiz qala» jalpyqalalyq aktsııasy jarııalanǵan bolatyn. Kelesi senbilik 12 mamyr kúni bolady.
