Senbilik: Joǵarǵy Sot qyzmetkerleri gúlzarlar men saıabaqtardy retke keltirip, 173 túp kóshet otyrǵyzdy

ASTANA. QazAqparat - Búgin Qazaqstan Respýblıkasy Joǵarǵy Sotynyń sýdıalary men apparat qyzmetkerleri jalpyqalalyq senbilikke qatysty.

Jyl saıyn ótkiziletin ekologııalyq aılyq aıasyndaǵy senbilik Astana aýmaǵyn abattandyrýǵa, kógaldandyrýǵa jáne sanıtarlyq tazalyq jumystaryn júrgizýge baǵyttalǵan.

Senbilik sheńberinde Joǵarǵy Sot qyzmetkerleri Hýseın bın Talal jáne № 131 kóshelerdiń, sondaı-aq Joǵarǵy Sot ǵımaratynyń aýmaǵyndaǵy kóshelerdiń, gúlzarlar men saıabaqtardyń tazalyǵyn retke keltirip, jańa kóshetter otyrǵyzdy. Jalpy alǵanda, belgilengen aýmaqta 173 túp aǵash kóshetteri otyrǵyzyldy.