Senbige arnalǵan aýa raıy
NUR-SULTAN. QazAqparat – Senbi kúni elimizdiń basym bóliginde kún raıy ashyq bolady, tek batys pen soltústik-batysta jańbyr jaýady, dep habarlaıdy QazAqparat Qazgıdrometke silteme jasap.
18 sáýirde elimizdiń basym bóliginde antıtsıklon áserinen jaýyn-shashynsyz aýa raıy kútiledi. Tek batysy men soltústik-batysy Atlant muhıtynan keletin tsıklon yqpalynda bolady, soǵan baılanysty keı jerlerde jańbyr jaýady. Keı jerlerde tuman túsedi, jel kúsheıip, batysta naızaǵaı, burshaq kútiledi.
Soltústik Qazaqstan, Aqmola, Atyraý, Qostanaı oblystarynyń keı jerlerinde jel 15-20 m/s kúsheıedi, Soltústik Qazaqstan oblysynda kúndiz ekpini 23 m/s jetýi yqtımal.
Qostanaı oblysynyń keı jerlerinde tuman kútiledi.
Kúndiz Batys Qazaqstan oblysynyń keı jerinde jel 15-20 m/s kúsheıedi, burshaq jaýýy múmkin.
Aqtóbe oblysynda tańerteń keı jerlerde tuman kútiledi, kúndiz soltústik-batysynda jel 15-20 m/s kúsheıedi.
Jambyl oblysynda, túnde jáne tańerteń Almaty, Shyǵys Qazaqstan, Mańǵystaý oblystarynyń keı jerlerinde tuman kútiledi.
