Senbide SQO-da qatty jel soǵatyny eskertildi
PETROPAVL. QazAqparat - Soltústik Qazaqstan oblysynda senbi, 26 mamyrdaǵy aýa raıyna qatysty eskertý jarııalandy, dep habarlaıdy QazAqparat tilshisi.
«Qazgıdromet» RMK bólimshesiniń deregi boıynsha, 26 mamyrda óńirde jyldamdyǵy 15-20 m/s bolatyn soltústik-shyǵys jeli soǵady. Onyń ekpini keı jerlerde 23-28 m/s bolýy yqtımal. Sondaı-aq, jańbyr jaýyp, naızaǵaı oınaıdy. Daýyl bolyp, burshaq túsýi múmkin.
«Tótenshe jaǵdaılar departamenti turǵyndarǵa tótenshe oqıǵadan saqtanyp, oǵan ázir bolý úshin qajetti sharalardy qolǵa alýdy eskertedi», - delingen SQO TJD habarlamasynda.
Aıta keterligi, bul aptada qatty jel soǵatyny jóninde birinshi ret eskertý jasalǵan. 22 mamyrda soqqan daýyl saldarynan ǵımarattarǵa zaqym kelip, aǵashtar men qurylys krandary qulaǵan bolatyn.
