Senbide Qazaqstannyń kóp bóliginde jel kúsheıip, jańbyr jaýady
ASTANA. QazAqparat - 22 qyrkúıekte Qazaqstannyń basym bóliginde jańbyr jaýyp, naızaǵaı bolady, keı jerlerde tuman túsedi, jel kúsheıip, burshaq jaýýy yqtımal, ońtústik aımaqtardyń keı jerlerinde shańdy daýyl soǵady, dep habarlaıdy Qazgıdromet.
Sınoptıkterdiń boljaýynsha, senbidegi aýa raıyna tsıklon jáne sonymen ilese keletin atmosferalyq aǵyndar yqpal etedi.
Aqmola jáne Qaraǵandy oblystarynyń keı jerlerinde tuman kútiledi, burshaq jaýýy múmkin, keı jerlerde jeldiń jyldamdyǵy 15-20, ekpini 25 m/s deıin kúsheıýi kútiledi.
Qyzylorda oblysynnyń keı jerlerinde tuman kútiledi, burshaq jaýýy múmkin, kúndiz keı jerlerde shańdy daýyl soǵady, jel 15-20 m/s deıin kúsheıedi.
Soltústik Qazaqstan oblysynyń keı jerlerinde jel 15-20, kúndiz ekpini 25 m/s deıin kúsheıýi kútiledi, keı jerlerde burshaq jaýýy múmkin, túnde jáne tańerteń tuman túsedi.
Qostanaı oblysynda jeldiń jyldamdyǵy 15-20 m/s jetedi, túnde jáne tańerteń keı jerlerde tuman bolady.
Atyraý, túnde jáne tańerteń Mańǵystaý, Batys Qazaqstan oblystarynyń keı jerlerinde tuman bolady.
Pavlodar, Shyǵys Qazaqstan, kúndiz Jambyl, Túrkistan oblystarynyń keı jerlerinde jel 15-20, kúndiz ekpini 25-27 m/s deıin kúsheıýi kútiledi.
Qyzylorda, Túrkistan, Mańǵystaý, Jambyl oblystarynyń basym bóliginde, Atyraý, Batys Qazaqstan jáne Qaraǵandy oblystarynyń keı jerlerinde joǵary órt qaýpi saqtalady.
