Senbide Qazaqstannyń 4 qalasynda aýa sapasy nasharlaıdy
ASTANA. QazAqparat - Senbi, 8 jeltoqsanda Qazaqstannyń 4 qalasynda meteorologııalyq jaǵdaı jaısyz bolady, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Astana, Óskemen, Temirtaý jáne Balqash qalalarynda meteorologııalyq jaǵdaı jaǵymsyz bolady. Atmosferada lastaýshy zattar shoǵyrlanýy yqtımal.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy. QMJ jaǵdaıynda eldimekenderdegi atmosferalyq aýanyń sapasy nasharlaýy yqtımal.
