Senbide elimizdiń jeti qalasynda aýa sapasy nasharlady
ASTANA. QazAqparat - 13 qańtarda meteorologııalyq jaǵdaı Qazaqstannyń jeti qalasynyń atmosferasynda zııandy zattardyń jınaqtalýyna yqpal etti. Bul jaıynda «Qazgıdromet» RMK-nan málim etti dep habarlaıdy QazAqparat.
Sınoptıkterdiń málimetinshe, búgin qolaısyz meteorologııalyq jaǵdaı Aqtóbe, Astana, Atyraý, Jezqazǵan, Qostanaı, Qyzylorda, Shymkent sekildi qalalardyń atmosferasynda lastaýshy zattardyń jınaqtalýyna áser etedi.
Aıta keterligi, osy jyldyń basynan «Qazgıdromet» RMK qolaısyz meteorologııalyq jaǵdaı boljamyn jarııa ete bastaǵan bolatyn.
Belgili bolǵandaı, senbi kúni Aqtaý, Almaty, Qaraǵandy, Kókshetaý, Pavlodar, Petropavl, Taldyqorǵan, Taraz, Oral, Óskemen qalalaryndaǵy meteorologııalyq jaǵdaı atmosferadaǵy zııandy zattardyń seıilýine septigin tıgizdi.
Qolaısyz meteorologııalyq jaǵdaı boljamy - atmosferalyq aýanyń betki qabatynda zııandy (lastaýshy) zattardyń jınalýyna yqpal etetin qysqa merzimdi meteorologııalyq faktorlardyń (tynysh, jeńil jel, tuman, ınversııa) úılesimi. QMJ jaǵdaıynda eldi mekenderdegi atmosferalyq aýanyń sapasy nasharlaýy múmkin.
