Senbide el aýmaǵynda qar jaýyp, boran soǵady

ASTANA. QazAqparat - Qazgıdromet sınoptıkteri 19 qarasha, senbige arnalǵan aýa raıy boljamyn jarııalady.

Oǵan sáıkes, búgin atmosferalyq fronttarǵa baılanysty Qazaqstannyń basym bóliginde turaqsyz aýa raıy saqtalady.

Jańbyr men qar jaýady, túnde ońtústiktiń taýly aýdandarynda qatty jaýyn-shashyn bolady.

Joǵary atmosferalyq qysym áserinen eldiń ortalyǵy men shyǵysynda ǵana kún ashyq bolady, jaýyn jaýmaıdy.

Respýblıka boıynsha tuman túsip, kóktaıǵaq bolady, jel kúsheıedi.

Eldiń soltústik-batysynda, soltústiginde jaıaý burqasyn soǵady.

Túnde Túrkistan oblysynyń taýly aýdandarynda qar men jańbyr jaýady.