Senbide aýa raıy qandaı bolady
ASTANA. QazAqparat - «Qazgıdromet» RMK 18 tamyzǵa arnalǵan aýa raıy boljamyn usynady, dep habarlaıdy QazAqparat.
Atmosferalyq aýa aǵyndardyń ótýine baılanysty Qazaqstan aýmaǵynda naızaǵaımen birge jańbyr jaýady, ekpindi jel kútiledi, soltústikte burshaq jaýýy múmkin.
Respýblıkanyń soltústik-batysy men shyǵysynda túnde jáne tańerteń keı jerlerde tuman kútiledi. Qazaqstannyń batysynda, ońtústiginde jáne shyǵysynda aýa raıy jaýyn-shashynsyz bolady.
Aqmola jáne Soltústik Qazaqstan oblystarynda jel kúsheıip, keı jerlerde 15-20 m/s, kúndiz burshaq jaýýy múmkin. Qostanaı oblysynyń keı jerlerinde jeldiń jyldamdyǵy 15-20 m/s jetedi, túnde jáne tańerteń tuman kútiledi, kúndiz burshaq jaýýy múmkin.
Shyǵys Qazaqstan oblysynda túnde jáne tańerteń keı jerlerde tuman túsedi, kúndiz jekelegen aýdandarda jel soǵady.
Almaty, Jambyl, Túrkistan, Qyzylorda, Pavlodar jáne Qaraǵandy oblystarynda jel 15-22 m/s kúsheıedi. Almaty oblysynda qatty ystyq bolady dep kútilýde.
Qyzylorda, Túrkistan, keı jerlerde Jambyl, Aqtóbe, Atyraý, Mańǵystaý, Qostanaı, Qaraǵandy oblystarynda joǵary órt qaýipi saqtalady.
