Senbi kúni respýblıkanyń keı jerlerinde ótkinshi jańbyr jaýady - Qazgıdromet
ASTANA. QazAqparat - 6 maýsym kúni Qazaqstan terrıtorııasynyń basym bóliginde atmosferalyq fronttardyń ótýine baılanysty keı jerlerde ótkinshi jańbyr jaýyp, naızaǵaı bolady, ekpindi jel turady. Tek respýblıkanyń ońtústik aımaǵynda aýa raıy jaýyn-shashynsyz bolady.
Bul týraly Qazgıdromet habarlady.
Aqmola, Qostanaı, Qaraǵandy, kúndiz Jambyl, Mańǵystaý, Atyraý, Batys Qazaqstan, Shyǵys Qazaqstan oblystarynyń keı jerlerinde jeldiń kúshi 15-20 m/s bolady. Soltústik Qazaqstan jáne Pavlodar oblystarynyń keı jerlerinde jeldiń kúshi 15-20 m/s bolady, burshaq bolýy múmkin. Kúndiz Almaty, Jambyl, Ońtústik Qazaqstan, Qyzylorda oblystarynyń basym bóliginde, Qaraǵandy jáne Shyǵys Qazaqstan oblystarynyń keı jerlerinde qatty ystyq kútiledi. Almaty, Ońtústik Qazaqstan, Qyzylorda oblystarynyń keı jerlerinde óte joǵary órt qaýipi kútiledi.
