Senbi kúni respýblıkanyń basym bóliginde kóktaıǵaq bolyp, jel kúsheıedi
ASTANA.QazAqparat - 3 qańtar kúni Qazaqstannyń basym bóliginde tuman, kóktaıǵaq bolady,jel kúsheıip, boran soǵady, dep habarlaıdy «Qazgıdromet».
Qostanaı oblysynda tańerteń tuman túsedi, kúndiz keıbir aımaqtarda 15-20 m/s jel soǵady, keı jerlerde ekpini 23 m/s-qa deıin barady. Aqmola oblysynda boran soǵady, jeldiń ekpini 15-20 m/s. Almaty oblysynyń keı aımaqtarynda tuman túsip, kóktaıǵaq bolady, jeldiń kúshi 17-22 m/s bolady.
Jambyl, Ońtústik Qazaqstan oblystarynda tuman bolyp, túnde jeldiń kúshi 15-20 m/s-qa deıin barady. Batys Qazaqstan, Shyǵys Qazaqstan oblystarynyń keı aımaqtarynda tuman túsedi, boran soǵyp, jeldiń kúshi 15-20 m/s bolady. Mańǵystaý oblysynyń keı jerlerinde tuman, kóktaıǵaq. Atyraý oblysynyń keıbir aımaqtarynda 15-20 m/s jel soǵady dep kútilýde. Soltústik Qazaqstan oblysynda kúndiz boran bolady.
