Senbi kúni Qazaqstannyń basym bóliginde jańbyr jaýady
NUR-SULTAN. QazAqparat - Qazgıdromet 30 naýryzǵa arnalǵan aýa raıy boljamyn usynady, dep habarlaıdy QazAqparat.
Qazaqstannyń basym bóliginde atmosferalyq fronttardyń ótýine baılanysty jaýyn-shashyn bolady. Ońtústikte qatty jaýyn-shashyn kútiledi. Keı aımaqtarda tuman túsip, kóktaıǵaq bolýy yqtımal. Jel kúsheıedi. Ońtústikte naızaǵaı jarqyldap, burshaq jaýýy múmkin.
Aqmola, Soltústik Qazaqstan, Batys Qazaqstan, túnde Pavlodar oblysynyń keı jerlerinde tuman túsip, kóktaıǵaq bolady. Soltústik Qazaqstan, kúndiz Aqmola oblystarynyń keı aýmaqtarynda qatty jel soǵyp, qarqyny 15-20 m/s deıin kúsheıedi.
Qyzylorda, Mańǵystaý oblystarynyń keı jerlerinde tuman túsedi.
Qostanaı, Qaraǵandy, Shyǵys Qazaqstan oblystarynyń keı aımaqtarynda tuman túsedi, jel ekpini 15-20 m/s deıin jetedi.
Túrkistan, Jambyl oblystarynyń keı jerlerinde tuman, naızaǵaı, túnde jel jyldamdyǵy sekýndyna 15-20 metrge jýyqtaıdy. Túrkistan oblysynyń keı jerlerinde burshaq jaýýy múmkin. Almaty oblysynyń keı jerlerinde jel 15-20 m/s deıin kúsheıedi.
