Senbi kúni Qazaqstannyń 8 qalasynda aýa sapasy tómendeıdi
ASTANA. QazAqparat - 14 sáýir kúni Qazaqstannyń 8 qalasynda aýa sapasy tómendeıdi, dep habarlaıdy QazAqparat «Qazgıdromet» RMK-ǵa silteme jasap.
Sınoptıkterdiń boljamyna sáıkes Aqtaý, Jańaózen, Astana, Atyraý, Qostanaı, Qyzylorda, Kókshetaý, Pavlodar, Petropavl, Aqsaı, Aqsý, Oral, Óskemen qalalarynda meteojaǵdaılar jaqsaryp, zııandy zattardyń seıilýine yqpal etetin bolady.
Al, Aqtóbe, Almaty, Qaraǵandy, Balqash, Temirtaý, Taldyqorǵan, Taraz, Shymkent qalalarynda meteorologııalyq jaǵdaılar atmosferada lastaýshy zattardyń shoǵyrlanýyna alyp keledi.
QMJ - atmosferalyq aýanyń betki qabatynda zııandy (lastaýshy) zattardyń jınalýyna yqpal etetin qysqamerzimdi meteorologııalyq faktorlardyń (tymyq, jeńil jel, tuman, ınversııa) úılesimi. QMJ jaǵdaıynda eldi mekenderdegi atmosferalyq aýanyń sapasy nasharlaýy múmkin.
Lastaný deńgeıiniń qalyptasýyn anyqtaıtyn mańyzdy faktorlardyń biri - sınoptıkalyq ahýaldyń (jel, jaýyn-shashyn, ylǵaldylyq, aýa temperatýrasy) boljamy.
