Senbi kúni Qazaqstannyń 12 qalasynda aýa sapasy tómendedi
ASTANA. QazAqparat - 27 qańtardaǵy meteorologııalyq jaǵdaıǵa sáıkes, Qazaqstannyń 12 qalasynda atmosferanyń lastanýy baıqalady, dep habarlaıdy «QazAqparat» HAA «Qazgıdromet» RMK-ǵa silteme jasap.
Vedomstvonyń aqparatyna súıensek, qolaısyz meteorologııalyq jaǵdaılar Astana, Aqtóbe, Almaty, Qaraǵandy, Qostanaı, Kókshetaý, Pavlodar, Petropavl, Taraz, Oral, Óskemen jáne Shymkent qalalarynda baıqalady.
Aýanyń lastanýyna boljam jasaýda atmosferadaǵy zııandy (lastaýshy) zattardyń jınalýyna yqpal etetin meteorologııalyq faktorlar (tynysh, baıaý jel, tuman, ınversııa) eskeriledi. Bul jaǵdaıda eldi mekenderdegi atmosferalyq aýanyń sapasy nasharlap ketedi.
