Senbi kúni Qazaqstanda kún ashyq bolady - Qazgıdromet
ASTANA. QazAqparat - Qazaqstannyń basym bóliginde kún ashyq bolady dep kútilýde. Tek batysta, soltústik-batysta, soltústikte aýa raıy qubylmaly bolady. Keı jerlerde jańbyr jaýyp, naızaǵaı soǵady, jel kúsheıýi múmkin, dep habarlady Qazgıdromet.
Mańǵystaý, Batys Qazaqstan, Aqtóbe, tańerteń jáne kúndiz Jambyl, Qostanaı, Aqmola, Soltústik Qazaqstan oblystarynyń keı aýmaǵynda jel 15-20 m/s deıin kúsheıýi yqtımal. Atyraý, kúndiz Qyzylorda oblystaryndaǵy keı jerlerde jeldiń jyldamdyǵy 15-20 m/s jetip, shańdy daýyl bolady dep kútilýde. Shyǵys Qazaqstan oblysynda túnde jáne tańerteń jer-jerde tuman bolýy múmkin.
Kúndiz Aqmola, Almaty, Mańǵystaý, Aqtóbe, Qostanaı, Qaraǵandy oblystarynyń keı jerlerinde kún ystyq bolýy yqtımal.
Respýblıkanyń ońtústiginde, batystyń keı jerlerinde, soltústik-batysta, soltústikte, ońtústik-shyǵysta, shyǵysta jáne ortalyqta óte joǵary órt qaýpi saqtalady.
