Senbi kúni Qazaqstan aýmaǵynda aýa raıy qandaı bolady
NUR-SULTAN. QazAqparat - 22 mamyrda batys antıtsıklonynyń áserinen Qazaqstan aýmaǵynyń basym bóliginde qubylmaly aýa raıy saqtalady, dep habarlaıdy QazAqparat.
«Qazgıdromet» RMK málimetinshe, elimizdiń tek ońtústigi jáne shyǵysynda atmosferalyq fronttarǵa baılanysty keı jerlerde ótkinshi jańbyr jaýady.
Respýblıkanyń keı jerlerinde tuman túsip, jel kúsheıedi.
Ońtústikte, ońtústik-batysta jáne batysta shańdy daýyl soǵady.
Qyzylorda oblysynyń keı jerlerinde shańdy daýyl, túnde keı jerlerde jeldiń kúshi 23 m/s jetedi.
Túrkistan oblysynyń keı jerlerinde shańdy daýyl turady, kúndiz jel ekpini - 23 m/s.
Kúndiz Almaty oblysynyń keı jerlerinde jel qarqyny 15-20 m/s deıin kúsheıedi, Jalańashkól aýdanynda - 25 m/s.
Jambyl oblysynyń keı jerlerinde tuman túsedi, jeldiń kúshi 15-20 m/s jetedi, kúndiz burshaq jaýýy múmkin.
Atyraý, Batys Qazaqstan oblystarynda, kúndiz Mańǵystaý, Shyǵys Qazaqstan, Pavlodar oblystarynyń keı jerlerinde jel ekpini - 15-20 m/s.
Atyraý, Mańǵystaý oblystarynda shańdy daýyl soǵady.
Pavlodar oblysynda túnde tuman bolady.
Soltústik Qazaqstan oblysynyń keı jerlerinde túnde jáne kúndiz tuman túsedi.
Túnde Shyǵys Qazaqstan oblysynyń keı jerlerinde 2 gradýs úsik júredi.
Qyzylorda oblysynyń basym bóliginde, Atyraý, Almaty oblysynyń keı jerlerinde, Shyǵys Qazaqstan, Pavlodar, Qostanaı oblystarynyń jekelegen aýdandarynda óte joǵary órt qaýpi saqtalady.
