Senbi kúni elimizdiń soltústigi men shyǵysynda kóktaıǵaq bolyp, jel kúsheıedi

Respýblıkanyń qalǵan aımaqtarynda aýa raıy jaýyn-shashynsyz bolady. Keı jerlerde tuman kútiledi, dep habarlaıdy «Qazgıdromet» RMK. Pavlodar oblysynyń keı jerlerinde tuman, kóktaıǵaq, jaıaý burqasyn soǵady, kúndiz basym bóliginde jel 17-22 m/s deıin kúsheıedi. Aqtóbe oblysynyń keı jerlerinde jel 15-20 m/s kúsheıip, túnde jáne tańerteń tuman, kóktaıǵaq kútiledi. Soltústik Qazaqstan oblysynyń keı jerlerinde tuman, kóktaıǵaq, jaıaý burqasyn kútiledi, jel 15-20 m/s kúsheıedi. Aqmola, Qostanaı, Qaraǵandy, Shyǵys Qazaqstan oblystarynyń keı jerlerinde tuman, kóktaıǵaq, jeldiń 15-20 m/s kúsheıýi kútiledi. Almaty oblysynyń Jalańashkól aýdanynda jel 18-23 m/s kúsheıedi. Jambyl, Ońtústik Qazaqstan, Qyzylorda, Mańǵystaý oblystarynyń keı jerlerinde tuman boljanady.