Senbi kúni elimizdiń basym bóliginde jel kúsheıip, kún sýytady - Qazgıdromet
ASTANA. QazAqparat - Senbi, 20 qyrkúıek kúni Qazaqstannyń basym bóligi antıtsıklonnyń yqpalynda bolady. Qazgıdrometten habarlaǵandaı, birqatar jerlerde tuman túsip, jel kúsheıedi, qatqaq bolady dep kútilýde.
Aqmola, Soltústik Qazaqstan, Pavlodar oblystarynda 15-22 m/s-qa deıin jel kúsheıedi. Jambyl oblysynyń keı jerlerinde tuman, jeldiń kúshi 15-20 m/s bolady. Batys Qazaqstan oblysynda, túnde Qaraǵandy oblysynda tuman túsedi, jyldamdyǵy 15-20 m/s jel soǵady. Ońtústik Qazaqstan, Qostanaı, Shyǵys Qazaqstan oblystarynyń keı jerlerinde jeldiń kúshi 15-23 m/s bolady.
Batys Qazaqstanda, Atyraý oblysynyń keı jerlerinde, Ońtústik Qazaqstan, Qyzylorda oblystarynda túnde 0-5 gradýsqa, Jambyl, Almaty oblystarynyń keı jerlerinde túnde 0-3 gradýsqa kún sýytady.
