Senbi kúni elimizde aýa raıy qandaı bolady
NUR-SULTAN. QazAqparat – Senbide elimizde jel kúsheıedi, keı óńirlerde aspandy bult basyp, jańbyr-burshaq jaýýy múmkin, naızaǵaı oınaıdy, dep habarlaıdy QazAqparat Qazgıdrometke silteme jasap.
4 qyrkúıekte elimizdiń batys, soltústik-batys óńirleri tsıklon yqpalynda bolaǵandyqtan jańbyr jaýady, naızaǵaı jarqyldaıdy. Elimizdiń qalǵan aýmaǵyna antıtsıklon jotasy áser etedi, sondyqtan basym bóliginde aýa raıy ashyq bolady. Elimizde jel kúsheıip, ońtústikte shańdy daýyl soǵady, batysta burshaq jaýady, daýyl turýy yqtımal.
Batys Qazaqstan oblysynyń soltústiginde naızaǵaı oınap, daýyl soǵady, burshaq jaýyp, batysta jel kúsheıýi múmkin, oblystyń ortalyǵynda, shyǵysynda jyldamdyǵy 15-20, ekpini 23 m/s kúsheıedi.
Aqtóbe oblysynda túnde basym bóliginde, kúndiz soltústiginde, soltústik-shyǵysynda naızaǵaı oınap, túnde batysynda, soltústik-batysynda, kúndiz basym bóliginde 15-20, ekpini 23 m/s jel kúsheıedi.
Atyraý oblysynyń túnde soltústiginde jáne ortalyǵynda naızaǵaı jarqyldaıdy, jel 15-20 m/s kúsheıedi.
Mańǵystaý oblysynda túnde batysynda, soltústik-batysynda bulttap, naızaǵaı oınaıdy, túnde jeldiń ekpini 17-22, kúndiz soltústikte 15-20 m/s kúsheıedi.
Kúndiz Qyzylorda oblysynyń ortalyǵy men batysynda shańdy daýyl soǵýy múmkin, jel 15-20 m/s kúsheıedi.
Qostanaı oblysynyń batysynda naızaǵaı oınap, burshaq jaýady, túnde batysynda, kúndiz basym bóliginde jeldiń 15-20 m/s kúsheıedi, kúndiz ekpini 23-28 m/s jetýi yqtımal.
Jambyl oblysynyń soltústik-shyǵysynda, ońtústik-batysynda, Aqmola oblysynyń ońtústik-batysynda, soltústiginde, kúndiz Soltústik Qazaqstan oblysynyń soltústiginde, batysynda, Qaraǵandy oblysynyń batysynda 15-20 m/s jel kúsheıedi.
Túrkistan, Qyzylorda oblystarynyń basym bóliginde, Jambyl oblysynyń ońtústiginde jáne ońtústik-batysynda, Atyraý, Batys Qazaqstan oblystarynyń shyǵysynda, Aqtóbe oblysynyń ońtústiginde jáne ońtústik-shyǵysynda, Qostanaı oblysynyń ońtústiginde, Qaraǵandy oblysynyń ońtústik-batysynda, Almaty oblysynyń ortalyǵy men ońtústiginde, Shyǵys Qazaqstan oblysynyń ońtústiginde, Aqmola oblysynyń ońtústik-batysynda, Pavlodar oblystarynyń ortalyǵynda tótenshe órt qaýpi saqtalady.
