Senbi kúni daýyl saldarynan Nıý-Iork áýejaılary jumysyn toqtatady
ASTANA. 27 tamyz. QazAqparat - Aımaqqa jaqyndap kele jatqan «Aırın» daýylyna baılanysty Nı-Iorkta qyzmet kórsetetin barlyq negizgi áýejaılar jergilikti ýaqyt boıynsha senbi kúni túste tolyqtaı jabylady,
dep habarlaıdy qalalyq kólik departamentine silteme jasaı otyryp RIA jańalyqtar agenttigi.
Sondaı-aq senbi kúni túste jerasty metro qyzmetin qosa alǵanda qalalyq kólik qozǵalysy da tolyqtaı shekteledi.
Metrologtardyń málimetinshe, ekinshi deńgeıli qaýipti «Aırın» daýyly Kýba, Gaıta aýmaǵy boıynsha soǵyp ótip, Bagamaǵa qaýip tóndirýde, sondaı-aq daýyl AQSh-tyń Shyǵys jaǵalaýyn túgeldeı qamtıdy.
«Aırın» daýyly AQSh jaǵalaýlaryna senbi kúni tańerteń jaqyndap qalǵan. Daýyl birinshi Solústik Karolına shtatyna, al jeksenbi kúni AQSh astanasyna jetedi dep boljanýda.
