Senbi kúni birneshe otbasy qaıǵyǵa dýshar boldy: balalar men jas adamdar sýǵa ketti
ASTANA. 15 shilde. QazAqparat - Almaty oblysyna qarasty Qapshaǵaı sý qoımasyndaǵy «Kógildir shyǵanaq» jaǵajaıynda sýǵa shomylǵan 17 jastaǵy jetkinshek batyp ketti.
Bul aqparatty QR TJM baspasóz qyzmeti taratyp otyr.
Vedomstvonyń atap ótýinshe, onyń múrdesin QR TJM Almaty oblystyq tótenshe jaǵdalar departamenti sýda qutqarý qyzmetiniń mamandary alyp shyqqan.
Osy qalada qazan shuńqyrdaǵy sýǵa shomylǵan 16 jastaǵy boıjetken tunshyǵyp óldi. Onyń da denesin QR TJM Almaty oblystyq tótenshe jaǵdalar departamenti sýda qutqarý qyzmetiniń mamandary shyǵardy.
Sonymen qatar elimizdiń sý nysandarynda qaıǵyly oqıǵa Batys Qazaqstan oblysynda da oryn alyp, Saýhııa kóline 26 jastaǵy jigit batyp ketti. Al Almaty oblysynda Túrgen ózenine shomylǵan 24 jastaǵy áıel sýǵa ketip, onyń múrdesi áli tabylǵan joq. Atyraý oblysynda da Jaıyq ózenine 20 jastaǵy jigit tunshyǵyp mert boldy.
Budan bólek Qostanaı oblysynda jasandy sý qomasyna 10 jáne 12 jastaǵy 2 bala, Qaraǵandy oblysynda Esen ózenine 41 jastaǵy azamat jáne Qaraǵandy oblysynda Balqash kóline 27 jastaǵy jigit batty.
