Senbi kúni aýa raıy qandaı bolady
NUR-CULTAN. QazAqparat - Qazgıdromet 11 jeltoqsanǵa arnalǵan aýa raıy boljamyn usynady, dep habarlaıdy QazAqparat.
Senbi kúni aýqymdy antıtsıklonnyń yqpalymen respýblıkamyzdyń basym bóliginde kún ashyq bolady. Tek batysta jańbyr men qar túrinde jaýyn-shashyn jaýady. Respýblıka boıynsha keı jerlerde tuman, kóktaıǵaq, jeldiń kúsheıýi kútiledi. Al batysta jaıaý burqasyn bolyp, ońtústikte shańdy daýyl soǵýy yqtımal.
Túnde jáne tańerteń Jambyl oblysynyń taýly jáne taý bókterindegi aýdandarynda tuman túsedi, soltústik-shyǵysta, ońtústik-batysta jáne taýly aýdandarda jel 15-20, ekpini 23-28 m/s kúsheıedi. Shyǵys Qazaqstan oblysynyń ortalyǵy men ońtústik-shyǵysynda jaıaý burqasyn kútiledi, jel 15-20 m/s, kúndiz Jarma aýdanynda ekpini 23-28 m/s jetýi múmkin.
Almaty oblysynyń soltústik-batysynda jel 15-20 m/s, Alakól kólderi aýdanynda 20-25, ekpini 29 m/s jáne odan da asady. Túnde soltústikte, ortalyqta, kúndiz Atyraý oblysynyń shyǵysynda tuman, kóktaıǵaq.
Kúndiz Aqtóbe oblysynyń ońtústiginde kóktaıǵaq bolady, soltústik-batysta, oblys ortalyǵynda jel 15-20 m/s kúsheıedi.
Túrkistan oblysynyń soltústiginde tuman túsedi, kúndiz taýly aýdandarda jeldiń jyldamdyǵy 15-20 m/s jetedi.
Qyzylorda oblysynyń soltústiginde kóktaıǵaq kútiledi, túnde oblys ortalyǵynda jel 15-20 m/s kúsheıedi.
Qaraǵandy oblysynyń batysynda, ortalyǵynda jel turady, jyldamdyǵy 15-20 m/s aralyǵynda.
Batys Qazaqstan, Qostanaı oblystarynyń soltústiginde, túnde jáne tańerteń Soltústik Qazaqstan oblysynyń batysynda tuman túsedi. Mańǵystaý oblysynyń soltústiginde, soltústik-shyǵysynda kóktaıǵaq bolýy yqtımal.
