Senaty Bıýrosynyń otyrysy boldy

Bıýroda Senattyń turaqty komıtetteri men palata Apparatyna Parlament Májilisinde maquldanǵan zań jobalary bólinip berildi.

Qazaqstan men Ispanııa arasyndaǵy qylmystyq ister boıynsha ózara quqyqtyq kómek týraly konventsııany, Qazaqstan men Iran arasyndaǵy ustap berý týraly shartty ratıfıkatsııalaý týraly zań jobalary odan ári pysyqtaý úshin Konstıtýtsııalyq zańnama, sot júıesi jáne quqyq qorǵaý organdary komıtetine berildi.

Qarjy jáne bıýdjet komıteti Keden odaǵynyń kedendik shekarasy arqyly qolma-qol aqsha qarajatyn jáne (nemese) aqsha quraldaryn ótkizý kezinde qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly shartty retıfıkatsııalaý týraly zań jobasyna qorytyndy ázirleý jónindegi bas komıtet bolyp belgilendi.

Áleýmettik-mádenı damý komıteti - «Qazaqstan Respýblıkasyndaǵy merekeler týraly» zańǵa tolyqtyrý engizý týraly» zań jobasyna, Halyqaralyq qatynastar, qorǵanys jáne qaýipsizdik komıteti - Qazaqstan men Qasıetti Taq arasyndaǵy ózara qatynastar týraly kelisim jónindegi zań jobasyna bas komıtet bolyp belgilendi.

Bıýroda Senattyń 2012 jylǵy 27 qyrkúıekte bolatyn kezekti otyrysynyń kún tártibi talqylandy.

Atap aıtqanda, Qazaqstan men Avstrııa arasyndaǵy Investıtsııalardy kótermeleý jáne ózara qorǵaý týraly kelisimdi ratıfıkatsııalaý týraly úkimetaralyq kelisimdi, Eýrazııalyq ekonomıkalyq qoǵamdastyqqa múshe memleketterdiń ortaq saqtandyrý naryǵyn qurý týraly hattamany, Qazaqstan men Qasıetti Taq arasyndaǵy ózara qatynastar týraly kelisimdi ratıfıkatsııalaýǵa qatysty zań jobalaryn qaraý josparlanyp otyr.