Senattyń jańadan saılanǵan depýtattary ant berdi
«24 tamyzda jańadan qurylǵan Abaı, Jetisý, Ulytaý oblystarynda Senat depýtattarynyń saılaýy ótip, qatarymyzǵa 6 senator qosyldy. Jańadan saılanǵan depýtattardy saılaýdaǵy jeńistermen quttyqtaımyz. Sizder túrli salada qyzmet atqaryp, óńirlerde jyldar boıy tabysty eńbek ettińizder. Endi mol tájirıbelerińizdi zań shyǵarý qyzmetinde keńinen paıdalanyp, depýtattyq mindetterińizdi abyroımen atqarasyzdar dep senemiz», - dedi Senat tóraǵasy Máýlen Áshimbaev.
Jańadan saılanǵan depýtattar arasynda Aınur Serikbaıqyzy Arǵynbekova, Baqytjan Kákenqajyuly Baıahmetov, Sovetbek Tursynuly Medebaev, Ǵalıasqar Tólendiuly Sarybaev, Amangeldi Ǵabdylqarymuly Tolamysov, Serik Jamanqululy Shaıdarov bar.
«Qazaqstan halqyna adal qyzmet etýge, QR tutastyǵy men táýelsizdigin nyǵaıtýǵa, onyń Konstıtýtsııasy men zańdaryna qatań baǵynýǵa, depýtattyń ózime júktelgen mártebeli mindetterin adal atqarýǵa ant etemin», - dedi depýtattar.
Senat otyrysynyń qorytyndysy boıynsha atalǵan depýtattar palatanyń turaqty komıtetteriniń quramyna saılandy.
Konstıtýtsııalyq zańnama, sot júıesi jáne quqyq qorǵaý organdary komıtetiniń quramyna A.Arǵynbekova, S. Medebaeva, A. Tolamysov kirdi. Qarjy jáne bıýdjet komıtetine B.Baıahmetov, halyqaralyq qatynastar, qorǵanys jáne qaýipsizdik komıtetine – Ǵ. Sarybaev, ekonomıkalyq saıasat, ınnovatsııalyq damý jáne kásipkerlik komıtetiniń quramyna - S. Shaıdarov bekitildi.
Vıdeodan alynǵan kadr
