Senattyń jańa sessııadaǵy alǵashqy otyrysy boldy

Bul týraly Qazaqstan Respýblıkasy Parlamenti Senatynyń baspasóz qyzmetinen habarlady.

Joǵarǵy Palatanyń Tóraǵasy parlamenttik sessııanyń ashylýynda Prezıdent alǵa qoıǵan mindetterge nazar aýdardy.

«Elbasy N.Á.Nazarbaev úshinshi sessııany ashý barysynda sóılegen sózinde Parlamenttiń bıylǵy sessııadaǵy basym mindetterin bes baǵyt boıynsha naqty aıqyndap berdi. El ekonomıkasyn odan ári nyǵaıtý, ınnovatsııalyq protsessterdi, «jasyl ekonomıkany» damytý úshin birqatar zań jobalaryn ýaqtyly qarap, qabyldaýǵa jaýaptymyz. Sondaı-aq, Astanada EKSPO-2017 halyqaralyq mamandandyrylǵan kórmeni uıymdastyrý men ótkizýge baılanysty zańnamalyq aktilerine ózgerister engizý máselesin shuǵyl túrde qaraý josparlanýda», - dedi Tóraǵa.

Q.Mámı qylmystyq jáne ákimshilik zańnamany, quqyq qorǵaý organdarynyń jáne sot júıesiniń jumysyn jetildirýge baǵyttalǵan zańdar toptamasyn da qabyldaý qajettigin atap ótti. Sondaı-aq, Tóraǵa respýblıkalyq bıýdjetti atqarý, onyń ishinde memlekettik qarajattyń shyǵysyna, olardyń der kezinde ıgerilýi jónindegi Memleket basshysy alǵa qoıǵan mindetterge áriptesterdiń nazaryn aýdardy.

«Bizdiń aldymyzda jaýapkershiligi mol mindetter tur. Depýtattar qaralatyn zańdardy muqııat zerdelep, sapaly túrde qabyldaý úshin bar kúsh-jigerin aıamaıdy dep oılaımyn. Biz osy sessııada aldymyzda turǵan mindetterdi Úkimetpen birge yntymaqtastyqta qyzmet etýge daıynbyz, kóptegen mańyzdy máselelerdi aqyldasa otyryp sheshemiz dep senemin», - dep atap ótti Q.Mámı.

Otyrysta ókilettik merzimi aıaqtalǵan depýtattar Ádil Ahmetov, Oralbaı Ábdikárimov, Ǵarıfolla Esim, Bolat Jylqyshıev, Ǵanı Qasymov, Aleksandr Sýdın, ıÝrıı Tshaı, sondaı-aq Senat Apparatynyń burynǵy basshysy Qaırat Nurpeıisov ulttyq zań shyǵarý júıesin qalyptastyrý men jetildirý jáne parlamentaralyq yntymaqtastyqty damytýǵa qosqan qomaqty úlesi úshin Parlament Senatynyń Qurmet gramotasymen marapattaldy.

«Ótken alty jylda Senat depýtattary retinde sizder el ıgiligi úshin bilimderińiz ben tájirıbelerińizdi aıamaı ózderińizge júktelgen jumysty adal atqardyńyzdar. Sizderdiń osyndaı eńbekterińizdi áriptesterińiz ǵana emes, qalyń jurtshylyq ta joǵary baǵalaıdy», - dedi Parlament Senatynyń Tóraǵasy Qaırat Mámı.

Palata otyrysynda Q.Mámıdiń usynysy boıynsha Parlament Senaty Tóraǵasynyń orynbasary bolyp Asqar Beısenbaev saılandy.

Memleket basshysynyń Jarlyǵymen taǵaıyndalǵan jeti depýtat Senattyń turaqty komıtetteri quramyna saılandy. Birǵanym Áıtimova, Sergeı Gromov, Lázzat Qıynov, Georgıı Kım Halyqaralyq qatynastar, qorǵanys jáne qaýipsizdik komıtetiniń quramyna endi. Konstıtýtsııalyq zańnama, sot júıesi jáne quqyq qorǵaý komıtetine Dýlat Qusdáýletov saılandy. Serik Nógerbekov Qarjy jáne bıýdjet komıtetinde, Nurlan Orazalın Áleýmettik-mádenı damý komıtetinde eńbek etetin boldy.

Al Sergeı Kýlagın Tabıǵatty paıdalaný jáne aýyldyq aýmaqtardy damytý komıtetiniń tóraǵasy bolyp saılandy.