Senattyń jalpy otyrysynyń kún tártibi belgilendi
ASTANA. QazAqparat - 12 qarashada Senat Tóraǵasy Qasym-Jomart Toqaev jáne Palata Bıýrosynyń músheleri qabyldaǵan Qaýlyǵa sáıkes, jeti zań jobasyn qaraý josparlandy.
Palata otyrysynda Qazaqstan men Benılıýks memleketteri (Belgııa Koroldigi, Lıýksembýrg Uly Gertsogtigi jáne Nıderland Koroldigi) arasyndaǵy readmıssııa týraly kelisimdi jáne jáne oǵan ilespe hattamany, Latvııamen adamdardyń readmıssııasy týraly kelisimdi, 2007 jylǵy 6 qazandaǵy Ujymdyq qaýipsizdik týraly shart uıymyna múshe memleketterdiń quqyq qorǵaý organdary men arnaıy qyzmetterin jaraqtandyrý úshin arnaıy tehnıka men arnaıy quraldardy jetkizýdiń jeńildikti sharttary týraly kelisimge ózgerister engizý týraly ekinshi hattamany, sondaı-aq Qazaqstan Respýblıkasy men Halyqaralyq Qaıta Qurý jáne Damý Banki arasyndaǵy Qaryz týraly kelisimdi (Shaǵyn jáne orta kásiporyndardyń básekege qabilettiligin arttyrý jobasy) ratıfıkatsııalaý máseleleri talqylanady.
Odan basqa, «Qazaqstan Respýblıkasynyń Joǵary Sot Keńesi týraly» Konstıtýtsııalyq zań jobasy jáne konstıtýtsııalyq zańdarǵa Joǵary Sot Keńesi, sot júıesi jáne sýdıalardyń mártebesi máseleleri boıynsha túzetýler, sondaı-aq keıbir zańnamalyq aktilerge múgedekterdiń quqyqtaryn qorǵaý máseleleri boıynsha ózgerister men tolyqtyrýlar birinshi oqylymda qaralady.
