Senattyń jalpy otyrysynda birqatar zań jobalary qaralady
ASTANA. 20 jeltoqsan. QazAqparat /Qanat Mámetqazyuly/ - Erteń, jeltoqsannyń 21-inde QR Parlamenti Senatynyń jalpy otyrysy ótedi.
Onda palatanyń qaraýyna birqatar zań jobalary shyǵarylyp otyr. Bul týraly Senattyń baspasóz qyzmetinen habarlandy.
Atap aıtqanda, palatanyń kún tártibine «Eýrazııalyq ekonomıkalyq komıssııa týraly shartty ratıfıkatsııalaý týraly» zań jobasy, «Qazaqstan Respýblıkasynyń Úkimeti men Túrik Respýblıkasynyń Úkimeti arasyndaǵy Qoja Ahmet ıAsaýı atyndaǵy Halyqaralyq Qazaq-Túrik ýnıversıtetiniń qyzmet sharttary týraly kelisimdi jáne 2009 jylǵy 22 qazandaǵy Qazaqstan Respýblıkasynyń Úkimeti men Túrik Respýblıkasynyń Úkimeti arasyndaǵy Qoja Ahmet ıAsaýı atyndaǵy Halyqaralyq Qazaq-Túrik ýnıversıteti qyzmetiniń sharttary týraly kelisimge ózgeris engizý týraly hattamany ratıfıkatsııalaý týraly» zań jobasy talqylanatyn bolady. Budan bólek, senatorlar «Energııa únemdeý jáne energııa tıimdiligin arttyrý týraly», «Qazaqstan Respýblıkasynyń keıbir zańnamalyq aktilerine energııa únemdeý jáne energııa tıimdiligin arttyrý máseleleri boıynsha ózgerister men tolyqtyrýlar engizý týraly», «Qazaqstan Respýblıkasynyń keıbir zańnamalyq aktilerine qylmystyq-atqarý júıesi máseleleri boıynsha ózgerister men tolyqtyrýlar engizý týraly» zań jobalaryn birinshi oqylymda talqylaıtyn bolady.
Sonymen qatar, buǵan deıin birinshi oqylymda maquldanǵan «Qazaqstan Respýblıkasynyń keıbir zańnamalyq aktilerine jobalyq qarjylandyrý máseleleri boıynsha ózgerister men tolyqtyrýlar engizý týraly», «Qazaqstan Respýblıkasynyń keıbir zańnamalyq aktilerine ındýstrııalyq-ınnovatsııalyq qyzmetti memlekettik qoldaý máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasynyń keıbir zańnamalyq aktilerine asyl tuqymdy mal sharýashylyǵy máseleleri boıynsha ózgerister men tolyqtyrýlar engizý týraly» zań jobalary ekinshi oqylymǵa shyǵarylyp otyr.
