Senattyń Zańnama komıtetinde úsh zań jobasy qaraldy
ASTANA. Jeltoqsannyń 7-si. QazAqparat. Búgin Senattyń Zańnama jáne quqyqtyq máseleler komıtetinde «Birikken Ulttar Uıymynyń Jol júrisi týraly konventsııasyn ratıfıkatsııalaý týraly» zań jobasy qaraldy,
dep habarlady Senattyń baspasóz qyzmetinen.
Jenevada 1949 jylǵy 19 qyrkúıekte Jol júrisi týraly konventsııa jáne jol belgileri men sıgnaldary týraly hattama qabyldanyp, 1968 jylǵy qarashada Venada Jol júrisi týraly konventsııanyń jańa mátinine qol qoıylǵan bolatyn. Bul Konventsııada oǵan qatysýshylardyń mindettemeleri anyq aıqyndalǵan. Ýaǵdalasýshy taraptar óz aýmaǵynda qoldanylatyn jol júrisi qaǵıdalaryn óz máni boıynsha Konventsııa erejelerine sáıkes kelýine sharalar qabyldaıdy, sonymen birge Konventsııanyń talaptaryna saı keletin avtomobılder men tirkemelerdi óz aýmaqtarynda halyqaralyq jol júrýge jiberedi jáne Konventsııanyń erejelerine sáıkes berilgen tirkeý týraly kýálikter men júrgizýshi kýálikterin moıyndaıdy.
Ýaǵdalasýshy taraptar jol júrisiniń bir úlgidegi qaǵıdalary halyqaralyq jol júrisin jeńildetetinin jáne joldardaǵy qaýipsizdikti arttyratynyn moıyndaıdy.
Komıtet otyrysynda «Birikken Ulttar Uıymynyń Jol belgileri men sıgnaldary týraly konventsııasyn ratıfıkatsııalaý týraly» zań jobasy da qaraldy. Osy Konventsııanyń maqsaty - halyqaralyq jol júrisin jeńildetý jáne jol belgileriniń, sıgnaldary men jol tańbalarynyń birkelki júıesin qabyldaý arqyly joldardaǵy qaýipsizdikti arttyrý. Ýaǵdalasýshy Taraptar osy júıeni meılinshe qysqa merzimde iske qosýǵa mindettenedi.
Sonymen qatar, Konventsııada Ýaǵdalasýshy Taraptardyń júıege sáıkes kelmeıtin barlyq sıgnaldyq belgilerdi, belgileýlerdi, qurylǵylar men tańbalardy ózgertýdiń eń kóp merzimi - Konventsııa óz aýmaǵynda kúshine engen kúnnen bastap on bes jyl bolyp belgilenedi.
Komıtet músheleri «Qazaqstan Respýblıkasynyń keıbir zańnamalyq aktilerine zańdy tulǵalardy memlekettik tirkeýdi jáne fılıaldar men ókildikterdi eseptik tirkeýdi ońaılatý máseleleri boıynsha ózgerister men tolyqtyrýlar engizý týraly» zań jobasyn da qarady.
Bul zań jobasy 2009-2010 jyldarda ekonomıka men qarjy júıesin turaqtandyrý jónindegi Úkimettiń, Ulttyq Bankiniń, Qarjy naryǵy men qarjy uıymdaryn retteý jáne qadaǵalaý jónindegi agenttiktiń birlesken is-qımyl Josparyn oryndaý úshin ázirlengen bolatyn.
Komıtet otyrysynda qaralǵan úsh zań jobasy da palata qaraýyna usynylatyn boldy.
