Senattyń turaqty komıtetteriniń jartysyna názik jandylar basshylyq etti
ASTANA. QazAqparat - QR Parlamenti Senatynyń turaqty komıtetteriniń teń jartysyna názik jandylar basshylyq etetin boldy, dep habarlaıdy QazAqparat.
«Alty turaqty komıtet qurylǵan. Olar óz jumystaryn oıdaǵydaı júrgizip keledi. Sondyqtan komıtetterdiń sany men ataýlaryn ózgerissiz qaldyrýǵa bolady dep sanaımyn», - dedi Senat tóraǵasy Qasym-Jomart Toqaev palatanyń jalpy otyrysynda.
Daýys berý arqyly senatorlar komıtet sany men ataýyn ózgerissiz qaıta bekitti.
Sonymen, depýtattar Konstıtýtsııalyq zańnama, sot júıesi jáne quqyq qorǵaý komıtetiniń tóraǵasy qyzmetine Georgıı Kımdi, Qarjy jáne bıýdjet komıteti tóraıymy laýazymyna Olga Perepechınany, Halyqaralyq qatynastar, qorǵanys jáne qaýipsizdik komıteti tóraıymy qyzmetine Darıǵa Nazarbaevany, Ekonomıkalyq saıasat, ınnovatsııalyq damý jáne kásipkerlik komıteti laýazymyna Asqar Beısenbaevty bekitti.
Budan bólek, Áleýmettik-mádenı damý jáne ǵylym komıtetine Birǵanym Áıtimova, Agrarlyq máseleler, tabıǵatty paıdalaný jáne aýyldyq aýmaqtardy damytý komıtetine Jeńis Nurǵalıev jetekshilik etetin boldy.
Budan buryn habarlanǵandaı, jalpy otyrys kezinde jańadan saılanǵan senatorlar Qazaqstan halqyna ant berdi.
