Senattyń kezekti jalpy otyrysynda qandaı máseleler qaralady

NUR-SULTAN. QazAqparat - Palata tóraǵasy Máýlen Áshimbaevtyń tóraǵalyǵymen ótken Senat Bıýrosynyń otyrysy barysynda depýtattar Senattyń aldaǵy otyrysynyń kún tártibin talqylady jáne Májilisten kelip túsken zań jobalary komıtetter arasynda bólinip berildi, dep habarlaıdy QazAqparat.

«Bıýro otyrysynda Senattyń 1 qazanda ótetin aldaǵy otyrysynyń kún tártibi belgilendi. Otyrysta depýtattar «2012 jylǵy 3 mamyrda Lıýksembýrgte qol qoıylǵan Hattamamen engizilgen ózgeristerdi eskere otyryp, 2008 jylǵy 26 maýsymda Astanada qol qoıylǵan QR Úkimeti men Lıýksembýrg Úkimeti arasyndaǵy Tabys pen kapıtalǵa salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly konventsııaǵa tolyqtyrý engizý týraly hattamany ratıfıkatsııalaý týraly» zań jobasyn qaraıtyn boldy. Odan basqa, senatorlar «2007 jylǵy 27 maýsymdaǵy Shanhaı yntymaqtastyq uıymyna múshe memleketter arasyndaǵy birlesken áskerı oqý-jattyǵýlar ótkizý týraly kelisimge tolyqtyrýlar engizý týraly hattamany ratıfıkatsııalaý týraly» zań jobasyn qaraýǵa shyǵardy», - delingen Senat baspasóz qyzmetiniń málimetinde.

Sonymen qatar Bıýroda Májilisten kelip túsken zań jobalary da bólinip berildi. Qarjy jáne bıýdjet komıteti «2014 jylǵy 29 mamyrdaǵy Eýrazııalyq ekonomıkalyq odaq týraly shartqa ózgerister engizý, sondaı-aq jekelegen halyqaralyq sharttardyń qoldanysyn ózgertý jáne toqtatý týraly hattamany ratıfıkatsııalaý týraly» jáne «Salyq jáne bıýdjetke tólenetin basqa da mindetti tólemder týraly» QR Kodeksine (Salyq kodeksi) jáne «Salyq jáne bıýdjetke tólenetin basqa da mindetti tólemder týraly» QR Kodeksin (Salyq kodeksi) qoldanysqa engizý týraly» QR Zańyna ózgerister men tolyqtyrýlar engizý týraly» zań jobalary boıynsha bas komıtet bolyp belgilendi.