Senattyń kezekti jalpy otyrysy boldy

 dep habarlady Senattyń baspasóz qyzmeti.

Kún tártibine sáıkes «Qazaqstan Respýblıkasynyń Úkimeti men Qytaı Halyq Respýblıkasynyń Úkimeti arasyndaǵy Qazaqstan-Qytaı gaz qubyryn salý men paıdalanýdaǵy yntymaqtastyq týraly kelisimdi ratıfıkatsııalaý týraly» zań jobasyn qarap, talqylaǵannan keıin qabyldady.

Sonymen qatar «Taýarlardyń syrtqy saýdasy salasyndaǵy lıtsenzııalaý erejesi týraly kelisimdi ratıfıkatsııalaý týraly» jáne «Úshinshi elderge qatysty biryńǵaı kedendik aýmaqta taýarlardyń syrtqy saýdasyn qozǵaıtyn sharalardy engizý jáne qoldaný tártibi týraly kelisimdi ratıfıkatsııalaý týraly» zań jobalary da qaralyp, qabyldandy.

Otyrysta «Bosqyndar týraly» jáne «Turmystyq zorlyq-zombylyq profılaktıkasy týraly» zań jobalary men qoldanystaǵy zańnamaǵa bosqyndar men turmystyq zorlyq-zombylyq máseleleri boıynsha ózgerister men tolyqtyrýlar engizý týraly zań jobalary qabyldandy.

Talqylaýdan keıin «Erler men áıelderdiń teń quqyqtarynyń jáne teń múmkindikteriniń memlekettik kepildikteri týraly» zań jobasy da qabyldandy.

Parlament depýtattarynyń zańnamalyq bastamasymen ázirlengen bul zań jobasy áıelderdiń múmkindikteriniń keńeıtýdi jáne jaǵdaıyn jaqsartýdy, qoǵamdyq-saıası ómirge olardyń teń negizde jan-jaqty qatysýy maqsatyn kózdeıdi.

Bul zańdy qabyldaý áıelderge qatysty kemsitýdi joıý saıasatyn júrgizýge, onyń ishinde erkekter men áıelderdiń teńdigi prıntsıpin zań kómegimen is júzinde júzege asyrýdy qamtamasyz etýge múmkindik beredi.

Otyrysta Parlament palatalary arasyndaǵy kelispeýshilikterdi eńserý jónindegi kelisim rásimderinen ótken birqatar zań jobalary da qabyldandy. Olar - «Qazaqstan Respýblıkasynyń keıbir zańnamalyq aktilerine qylmystyq jazalaýdy oryndaý júıesin jáne qylmystyq-atqarý júıesin odan ári jetildirý máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasynyń keıbir zańnamalyq aktilerine azyq-túlik qaýipsizdigi máseleleri boıynsha ózgerister men tolyqtyrýlar engizý týraly» zań jobalary bolatyn. 

Talqylaý barysynda «Qazaqstan Respýblıkasynyń keıbir zańnamalyq aktilerine azamattardyń jeke ómirine qol suǵylmaýshylyq quqyqtaryn qorǵaý máseleleri boıynsha ózgerister men tolyqtyrýlar engizý týraly» zań jobasy qabyldandy jáne «Qazaqstan Respýblıkasynyń keıbir zańnamalyq aktilerine zańdy tulǵalardy memlekettik tirkeýdi jáne fılıaldar men ókildikterdi eseptik tirkeýdi ońaılatý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy.

Otyrysta Senat pen Májilis arasyndaǵy kelispeýshilikter týyndaǵan «Qazaqstan Respýblıkasynyń keıbir zańnamalyq aktilerine atqarýshylyq is júrgizý máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasynyń keıbir zańnamalyq aktilerine memlekettiń jáne onyń menshiginiń ımmýnıteti, aralyq sottar jáne halyqaralyq kommertsııalyq tórelik qyzmetin jetildirý máseleleri boıynsha ózgerister men tolyqtyrýlar engizý týraly» zań jobalary boıynsha qurylǵan kelisý komıssııasynyń quramyna depýtattar óz áriptesterin saılady.