Senattyń kezekti otyrysynyń kún tártibi talqylandy
Ekonomıkalyq saıasat, ınnovatsııalyq damý jáne kásipkerlik komıteti «Úshinshi elderge qatysty arnaıy qorǵaý, dempıngke qarsy jáne ótemaqy sharalary týraly» jáne soǵan ilespe qujat boıynsha, sondaı-aq «Qazaqstan Respýblıkasynyń keıbir zańnamalyq aktilerine memlekettiń kásipkerlik qyzmetke qatysýyn shekteý máseleleri boıynsha ózgerister men tolyqtyrýlar engizý týraly» zań jobasyn odan ári pysyqtaý jáne qorytyndy ázirleý boıynsha jaýapty komıtet bolyp belgilendi.
Bıýroda sondaı-aq Palatanyń 2015 jylǵy 9 sáýirde bolatyn otyrysynyń kún tártibine usynystar engizildi. Senatorlar: Qazaqstan men Qytaı Úkimetteri arasyndaǵy Tótenshe jaǵdaılardyń aldyn alý jáne olardy joıý salasyndaǵy yntymaqtastyq týraly kelisimdi ratıfıkatsııalaý týraly; Qazaqstan men Tájikstan Úkimetteri arasyndaǵy Azamattyq qorǵanys, tótenshe jaǵdaılardyń aldyn alý jáne olardy joıý salasyndaǵy yntymaqtastyq týraly kelisimdi ratıfıkatsııalaý týraly; Qazaqstan men Ózbekstan Úkimetteri arasyndaǵy Qazaqstan-Ózbekstan memlekettik shekarasy arqyly ótkizý pýnktteri týraly kelisimge hattamaǵa ózgerister men tolyqtyrýlar engizý týraly hattamany ratıfıkatsııalaý týraly; memlekettiń kásipkerlik qyzmetke qatysýyn shekteý máseleleri boıynsha zańnamaǵa ózgerister men tolyqtyrýlar engizý týraly zań jobalaryn qaraıtyn boldy. «Qazaqstan Respýblıkasynyń keıbir zańnamalyq aktilerine tabıǵı monopolııalar jáne retteletin naryqtar máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasynyń keıbir zańnamalyq aktilerine oıyn bıznesi máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańynyń jobasy jóninde (ekinshi oqylym) zań jobalary ekinshi oqylymda qaralady.