Senattyń kezekti otyrysynyń kún tártibi kelisildi
ASTANA. QazAqparat - Qasym-Jomart Toqaevtyń tóraǵalyq etýimen Senat Bıýrosynyń otyrysy boldy. Tóraǵa taıaý kezeńge belgilengen birqatar mańyzdy sharalarǵa nazar aýdardy. Atap aıtqanda, 31 mamyrda álemniń kóptegen memleketterinen keletin parlamentshilerdiń, dinı qaıratkerler men sarapshylar qaýymdastyǵy ókilderiniń qatysýymen «Dinder terrorızmge qarsy» taqyrybyna arnalǵan halyqaralyq konferentsııa bolady. 1 maýsymda Álemdik jáne dástúrli dinder lıderleri Sezi Hatshylyǵynyń XV otyrysy ótedi.
Senat Tóraǵasy Úkimet pen Esep komıtetiniń 2015 jylǵy respýblıkalyq bıýdjettiń atqarylýy týraly esepteri Parlamentke kelip túskeni týraly da habardar etti. 26 mamyrda joǵarǵy Palatada eseptiń tanystyrylymyn ótkizý josparlanyp otyr. Komıtetterde qaralǵannan keıin esep 16 maýsymda Senat otyrysyna shyǵarylady.
Senat Bıýrosy joǵarǵy Palatanyń 2016 jylǵy 26 mamyrda bolatyn kezekti otyrysynyń kún tártibin kelisti. Senatorlar «2006 jylǵy 15 tamyzdaǵy Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy Reseı Federatsııasynyń aýmaǵynda ornalasqan Qazaqstan Respýblıkasynyń temir jol ýchaskeleri boıynsha jáne Qazaqstan Respýblıkasynyń aýmaǵynda ornalasqan Reseı Federatsııasynyń temir jol ýchaskeleri boıynsha tasymaldaý tólemderin tóleý jáne júk tasymaldaryn resimdeý tártibi týraly kelisimge ózgerister engizý týraly hattamany ratıfıkatsııalaý týraly» jáne «Qazaqstan Respýblıkasy men Halyqaralyq qaıta qurý jáne damý banki arasyndaǵy Qaryz týraly kelisimdi (Makroekonomıkalyq basqarý jáne ekonomıkanyń básekege qabilettiligin arttyrý salasyndaǵy damý saıasatyn qarjylandyrý boıynsha birinshi kredıt) ratıfıkatsııalaý týraly» zań jobalaryn qaraıdy.
Bıýro Qarjy jáne bıýdjet komıtetine «Qazaqstan Respýblıkasynyń Úkimeti men Saýd Arabııasy Koroldiginiń Úkimeti arasyndaǵy Tabysqa salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly konventsııany jáne oǵan Hattamany ratıfıkatsııalaý týraly»zań jobasyn pysyqtaýdy tapsyrdy.
Sonymen qatar «Qazaqstan Respýblıkasy Parlamenti Senatynyń 2016 jylǵa arnalǵan Negizgi is-sharalarynyń jospary týraly» Qazaqstan Respýblıkasy Parlamenti Senaty Bıýrosynyń qaýlysyna da ózgeris engizildi.
