Senattyń kezekti otyrysynyń kún tártibi boıynsha usynystar qaraldy
TANA. 27 qazan. QazAqparat - Búgin Qaırat Mámıdiń tóraǵalyq etýimen bolǵan Parlament Senaty Bıýrosynyń otyrysynda Senattyń bıylǵy 3 qarashada bolatyn kezekti otyrysynyń kún tártibi boıynsha usynystar qaraldy.
Atap aıtqanda, «Qazaqstan Respýblıkasynyń Ulttyq qorynan 2012-2014 jyldarǵa arnalǵan kepildendirilgen transfert týraly» jáne «2012-2014 jyldarǵa arnalǵan respýblıkalyq bıýdjet týraly» zań jobalaryn talqylaý josparlanyp otyr.
Depýtattar talqysyna «Qazaqstan Respýblıkasynyń keıbir zańnamalyq aktilerine memlekettik áleýmettik tapsyrys máseleleri boıynsha ózgerister men tolyqtyrýlar engizý týraly» zań jobasy da usynylady.
Otyrysta depýtattar «Neke (erli-zaıyptylyq) jáne otbasy týraly» kodeksiniń jobasy boıynsha Parlament Senaty men Májilisi arasyndaǵy kelisý komıssııasynyń quramyna óz áriptesterin saılaıdy.
