Senattyń kezekti otyrysy 13 qazanda bolady
ASTANA. QazAqparat - Senat Bıýrosynda joǵarǵy Palatanyń kezekti otyrysynyń kún tártibi kelisildi.
Senat Halyqaralyq ǵylymı-tehnıkalyq ortalyqtyń qyzmetin jalǵastyrý týraly kelisimdi jáne Qazaqstan men Tájikstan arasyndaǵy Strategııalyq áriptestik týraly shartty ratıfıkatsııalaý týraly zań jobalaryn qaraıdy.
Odan basqa, Senattyń turaqty komıtetteri Qazaqstan Respýblıkasy men Reseı Federatsııasy Úkimetteriniń arasyndaǵy Qosarlanǵan salyq salýdy boldyrmaý jáne tabys pen kapıtalǵa salyq tóleýden jaltarýǵa jol bermeý týraly konventsııa sheńberinde Qazaqstan Respýblıkasynyń jáne Reseı Federatsııasynyń ýákiletti organdary bergen rezıdenttikti rastaıtyn resmı qujattardy taný tártibi týraly notalar almasý nysanyndaǵy kelisimdi ratıfıkatsııalaý týraly zań jobasyn qaraýǵa kirisedi. Bul zań jobasy boıynsha Qarjy jáne bıýdjet komıteti bas komıtet bolyp belgilendi.
