Senattyń kezekti otyrysy 10 qarashada bolady
ASTANA. QazAqparat - Senat Bıýrosynda Parlamenttiń joǵarǵy Palatasynyń 10 qarashada bolatyn otyrysynyń kún tártibi kelisildi.
Senatorlar depýtat Darhan Káletaevty Palatanyń turaqty komıtetiniń quramyna saılaýtýraly máseleni qaraıdy.
Kún tártibine sondaı-aq Joǵarǵy Sot sýdıasy qyzmetine saılaý máselesi engizildi. Konstıtýtsııalyq zańnama, sot júıesi jáne quqyq qorǵaý organdary komıtetine Qazaqstan Respýblıkasynyń Prezıdenti usynynǵan kandıdatýrany talqylaý jáne ol boıynsha qorytyndy ázirleý tapsyryldy.
Palata otyrysynyń kún tártibine 1995 jylǵy 23 jeltoqsandaǵy Qazaqstan men Reseı arasyndaǵy Baıqońyr qalasynyń mártebesi jáne ondaǵy atqarýshy ókimet organdaryn qurýdyń tártibi men olardyń mártebesi týraly kelisimge ózgerister engizý týraly hattamany ratıfıkatsııalaý týraly zań jobasy da qosyldy.
Agrarlyq máseleler, tabıǵatty paıdalaný jáne aýyldyq aýmaqtardy damytý komıteti Qazaqstan Úkimeti men Atom energııasy jónindegi halyqaralyq agenttik arasyndaǵy bizdiń elimizde Atom energııasy jónindegi halyqaralyq agenttiktiń Tómen baıytylǵan ýran bankin qurý týraly kelisimdi ratıfıkatsııalaý týraly zań jobasy boıynsha bas komıtet bolyp belgilendi.
