Senattyń Qarjy jáne bıýdjet komıtetiniń depýtattary Aýstrııanyń Federaldy Parlamenti Ulttyq keńesiniń depýtaty Raınhold Lopatkamen kezdesti

Kezdesý barysynda Qazaqstan men Aýstrııanyń ekijaqty qatynastaryn, onyń ishinde ózara parlamentaralyq deńgeıdegi is-qımyldy odan ári nyǵaıtý máseleleri boıynsha pikir almasyldy.

Qarjy jáne bıýdjet komıtetiniń tóraǵasy R.Ahmetov aıtqandaı, «Qazaqstan men Aýstrııany syndarly únqatysý men ózara senim  qaǵıdalaryna negizdelgen qatynastar baılanystyrady».

«Parlamentaralyq baılanystardy ekijaqty qatynastardyń mańyzdy bóligi» retinde ataı kelip, depýtat «qazaqstandyq parlamentshiler ekijaqty yntymaqtastyqtyń quqyqtyq negizin qurýdy basym mindet retinde qarastyrady», dedi.

R.Ahmetov sonymen birge respýblıkalyq bıýdjetti qalyptastyrý jáne josparlaý júıesi, ekonomıkany ártaraptandyrý, aımaqtyq damý, agroónerkásip keshenin nyǵaıtýdy memlekettik qoldaý baǵdarlamalarynyń baǵyttary týraly aýstrııalyq áriptesin habardar etti.

R.Lopatkanyń aıtýynsha, «Aýstrııa Qazaqstan sekildi tabysty elmen ózara tıimdi yntymaqtastyqty damytýǵa múddeli, al eki memlekettiń Parlamentteri oǵan jan-jaqty yqpal etýi kerek».

Kezdesýge depýtattar E.Muqaev jáne ıÝ.Tshaı qatysty.