Senattyń Qarjy jáne bıýdjet komıtetinde zań jobasy talqylandy
ASTANA. Maýsymnyń 17-si. QazAqparat. Búgin Senattyń Qarjy jáne bıýdjet komıtetinde «Qazaqstan Respýblıkasynyń keıbir zańnamalyq aktilerine saqtandyrý máseleleri boıynsha ózgerister men tolyqtyrýlar engizý týraly» zań jobasy talqylandy,
dep habarlaıdy Senattyń baspasóz qyzmeti.
Zań jobasy Qazaqstan Respýblıkasynyń Qarjy sektoryn 2007-2011 jyldarǵa damytýǵa baǵyttalǵan tujyrymdamasyn júzege asyrý aıasynda, otandyq jáne halyqaralyq tájirıbeler eskerile otyryp ázirlengen bolatyn.
Zań jobasynyń negizgi maqsaty ómirdi jınaqtyq saqtandyrýdy jáne saqtandyrý naryǵy ınfraqurylymdaryn odan ári damytý sharalaryn qabyldaý, saqtandyrý deldaldyǵy qyzmetiniń negizgi quqyqtaryn bekitý, saqtandyrý statıstıkasynyń tolyqqandy bazasyn qalyptastyrý arqyly tarıf saıasatynyń máselelerin sheshý bolyp tabylady.
Zań jobasymen Azamattyq jáne Salyq kodeksterine, Ákimshilik quqyq buzýshylyq týraly kodekske, sondaı-aq «Saqtandyrý qyzmeti týraly», «Saqtandyrý tólemderin kepildendirý qory týraly», «Kólik quraldary ıelerin mindetti saqtandyrýdyń azamattyq-quqyqtyq jaýapkershiligi týraly», «Qarjy naryǵy men qarjy uıymdaryn memlekettik retteý jáne qadaǵalaý týraly» zańdarǵa túzetýler engiziletin bolady.
Zań jobasy palatanyń qaraýyna jiberiledi.
