Senattyń Bıýro otyrysy boldy
ASTANA. 29 qazan. QazAqparat - Búgin Qaırat Mámıdiń tóraǵalyq etýimen Qazaqstan Respýblıkasy Parlamenti Senatynyń Bıýro otyrysy boldy.
Bıýroda Senattyń turaqty komıtetteri men palata Apparatyna Parlament Májilisi maquldaǵan zań jobalary berildi.
Atap aıtqanda, «Jeke basty kýálandyratyn qujattar týraly» jáne «Qazaqstan Respýblıkasynyń keıbir zańnamalyq aktilerine jeke basty kýálandyratyn qujattar máseleleri boıynsha ózgerister men tolyqtyrýlar engizý týraly» zań jobalaryn odan ári pysyqtaý úshin Konstıtýtsııalyq zańnama, sot júıesi jáne quqyq qorǵaý organdary komıteti bas komıtet bolyp belgilendi.
Bıýroda, sondaı-aq, Senattyń 2012 jylǵy 1 qarashada bolatyn kezekti otyrysynyń kún tártibi talqylandy. Otyrysta «Eýrazııalyq ekonomıkalyq qoǵamdastyq sheńberinde Keden odaǵyna múshe memleketterdiń keden qyzmetteri ókildikteriniń qyzmeti máseleleri boıynsha keden isterindegi yntymaqtastyq jáne ózara kómek týraly kelisimdi ratıfıkatsııalaý týraly» zań jobasyn qaraý josparlanyp otyr.
Odan basqa, «Qazaqstan Respýblıkasynyń Bıýdjet kodeksine ózgerister men tolyqtyrýlar engizý týraly» jáne elimizdiń keıbir zańnamalyq aktilerine zańdy tulǵalardy memlekettik tirkeý jáne fılıaldar men ókildikterdi eseptik tirkeý máseleleri boıynsha ózgerister engizý týraly zań jobalaryn qaraý kózdelýde. Eki zań jobasy da birinshi oqylymda qaralatyn bolady.
