Senattyń birqatar depýtattary men apparat qyzmetkerlerine memlekettik nagradalar tapsyryldy

ASTANA. 13 jeltoqsan. QazAqparat - Búgin QR Parlamenti Senatynyń jalpy otyrysynda palata spıkeri Qaırat Mámı Prezıdent N.Á.Nazarbaev atynan elimiz Táýelsizdiginiń 21 jyldyǵyna oraı joǵarǵy Palata depýtattaryna memlekettik nagradalardy tapsyrdy.

Atap aıtqanda, Memleket basshysynyń jarlyǵymen senator Anatolıı Bashmakov II-dárejeli «Dostyq» ordenimen, al Murat Baqtııaruly, Vladımır Redkokashın, Lázzat Turlashov - «Qurmet» ordenimen marapattaldy. «Qazaqstannyń eńbek sińirgen qaıratkeri» qurmetti ataǵy Qaısar Omarovqa berildi. Budan bólek, bir top depýtattar «TMD Parlamentaralyq assambleıasyna 20 jyl» mereıtoılyq medalimen nagradtaldy.

«Eren eńbegi úshin» medalimen Senat Apparaty qyzmetkerleri Gúlnár Qýanova jáne Dana Sháımenova, al Qazaqstan Respýblıkasynyń Qurmet gramotasymen Erkin Esnazarov jáne Svetlana Qalabaeva marapattaldy. Sondaı-aq, Apparattyń birqatar qyzmetkerlerine QR Parlamenti Senatynyń Qurmet gramotasy berildi.