Senattyń Áleýmettik-mádenı damý komıtetiniń depýtattary týrızm jáne sport mınıstri T.Dosmuhambetovpen kezdesti

dep habarlaıdy Senattyń baspasóz qyzmeti.

Kezdesýdi asha otyryp A.Bıjanov mınıstrlik basshylyǵyn Astanada halyqaralyq aýqymdaǵy shara - Dúnıejúzilik týrıstik uıymdar Bas Assambleıasy 18 sessııasynyń tabysty ótýimen quttyqtady.

Elimizdiń áleýmettik-ekonomıkalyq damýy men básekege qabilettiligine yqpal etetin mańyzdy másele adam faktory ekenin atap óte kelip A.Bıjanov  áleýmettik zor ereksheligi men áleýettiligi turǵysynan salaýatty ómir salty men dene shynyqtyrý jáne sportpen aınalysýdy nasıhattaýdy, ol qoǵamnyń áleýmettik-ekonomıkalyq damý úderisterine tikeleı áser etetinine toqtaldy.

Salany memlekettik qoldaý baǵyttaryna qatysty komıtet tóraǵasy sportshylardy áleýmettik qoldaýdaǵy jańalyqtarǵa, zańnamalyq negizdi jetildirý jumystaryna, ony halyqaralyq tájirıbege sáıkes keltirýge nazar aýdardy.

A.Bıjanovtyń aıtýynsha, bıyl Parlament birqatar mańyzdy zańnamalyq aktiler qabyldady, onyń biri «Dene shynyqtyrý jáne sport týraly» Zańǵa engizilgen túzetýler boldy. Zań qabyldanǵannan keıin elimizdegi dene shynyqtyrý jáne sport qozǵalysy sýbektileri zańnamalyq turǵyda aıqyndaldy.

Sondaı-aq týrıstik qyzmet týraly salalyq zańǵa da ózgerister men tolyqtyrýlar qabyldandy, onda týrızm salasyn tıimdi memlekettik retteý júıesine jańa qadamdar men týrıstik qyzmet sýbektileriniń ózara is-qımyl úshin jaǵdaı jasaý zańnamalyq turǵyda qarastyryldy.

Mınıstrliktiń taıaýdaǵy basym baǵyttary retinde A.Bıjanov jetinshi Azııa oıyndaryna ázirlik jáne ony ótkizýdi uıymdastyrýdy atady. «Oıynǵa ázirlik birqatar áleýmettik mindetterdi sheshýge járdemdese alady. Ol eńbekke qabiletti jurtshylyqty nysandar qurylysyna keńinen tartýǵa, qalalar ınfraqurylymyn jaqsartýǵa, kóptegen basqarý qurylymdarynyń qyzmetin belsendilendirýge, sondaı-aq elimizdiń týrıstik áleýetin ulǵaıtýǵa yqpal etedi»,-dep atap ótti komıtet tóraǵasy.

Kezdesýde týrızm jáne sport mınıstri T.Dosmuhambetov bıylǵy jylǵy mekemeniń qyzmeti týraly, 2011 jylǵy jetinshi qysqy Azııa oıyndaryna ázirlik jumystarynyń barysy týraly tanystyrdy. Azııadany ótkizýge ázirlik týraly aıta kelip T.Dosmuhambetov barlyq nysandar 2010 jylǵy kúzde paıdalanýǵa beriletinin atap ótti.