Senattyń aldynda jaýapkershiligi mol mindetter tur - spıker Q. Mámı
ASTANA. 3 qyrkúıek. QazAqparat - Senattyń aldynda Elbasy tapsyrmalarynan týyndaıtyn jaýapkershiligi mol mindetter tur. Búgin Parlament Senatynyń úshinshi sessııadaǵy alǵashqy jalpy otyrysynda jıyndy ashqan palata spıkeri Qaırat Mámı osylaı málim etti.
«Keshe Elbasy N. Nazarbaev sessııany ashý barysynda Parlamenttiń aldyndaǵy basym mindetterin bes baǵyt boıynsha naqty aıqyndap berdi. El ekonomıkasyn odan ári nyǵaıtý, ınnovatsııalyq úderisterdi, «jasyl ekonomıkany» damytý, sonymen birge quqyq qorǵaý organdaryndaǵy reformalardy odan ári damytýdy Prezıdent bes mindettiń biri retinde kórsetti. Sondyqtan da, bul baǵyttaǵy zań jobalaryn ýaqytyly jáne sapaly deńgeıde qaraý bizdiń mindetterimizdiń biri bolmaq. Budan bólek, Astanada ótetin EKSPO-2017 halyqaralyq kórmesin uıymdastyryp, joǵary deńgeıde ótkizý úshin zań toptamalaryn qarap, sessııa barysynda talqylaıtyn bolamyz. Buny Memleket basshysy shuǵyl qaralýy tıis zań jobalary dep jarııalaıtynyn taǵy da aıtyp ketti», - dedi Qaırat Mámı.
Sonymen qatar, spıker Senat aldynda jaýapkershiligi mol mindetter turǵanyn, depýtattyq korpýs pen apparat kelip túsken zań jobalaryn sapaly qabyldaýda jigerlilik tanytatynyna senim bildirdi. «Osy úshin biz Úkimetpen birge yntymaqtastyqta qyzmet etýge ázirmiz. Kóptegen mańyzdy máselelerdi aqylǵa salyp, birlese sheshemiz dep oılaımyn», dedi Q. Mámı.
