Senattyń aldaǵy jalpy otyrysynyń kún tártibi belgilendi
ASTANA. 15 sáýir. QazAqparat - Búgin spıker Qaırat Mámıdiń tóraǵalyq etýimen Qazaqstan Respýblıkasy Parlamenti Senatynyń Bıýro otyrysy boldy. Bıýroda Qazaqstan Respýblıkasy Parlamenti Májilisinde maquldanǵan zań jobalary Senattyń turaqty komıtetteri men Apparatyna berildi. Bul týraly Senattyń baspasóz qyzmetinen habarlandy.
Atap aıtqanda, Áleýmettik-mádenı damý komıteti Pornografııalyq basylymdar aınalycynyń jáne olardy saýdalaýdyń jolyn kesý týraly halyqaralyq konventsııany ratıfıkatsııalaý týraly zań jobasy boıynsha bas komıtet bolyp belgilendi. Konstıtýtsııalyq zańnama, sot júıesi jáne quqyq qorǵaý organdary komıtetine elimizdiń keıbir zańnamalyq aktilerine quqyq qorǵaý qyzmeti máseleleri boıynsha ózgerister men tolyqtyrýlar engizý týraly zań jobasy odan ári pysyqtaýǵa berildi.
Bıýroda Senattyń 2013 jylǵy 18 sáýirde bolatyn kezekti jalpy otyrysynyń kún tártibi talqylandy. Otyrysta elimizdiń keıbir zańnamalyq aktilerine tóreliktiń jáne aralyq sottyń qyzmetin jetildirý máseleleri boıynsha ózgerister men tolyqtyrýlar engizý týraly zań jobasyn qaraý kózdelip otyr.
Budan bólek, jalpy otyrystyń kún tártibine «Derbes derekter jáne olardy qorǵaý týraly» zań jobasy, sondaı-aq birinshi oqylymda qaraý josparlanǵan keıbir zańnamalyq aktilerge derbes derekter jáne olardy qorǵaý máseleleri boıynsha ózgerister men tolyqtyrýlar engizý týraly ilespe zań jobasy da qosyldy.
Depýtattar odan basqa, «Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy Qazaqstan Respýblıkasynyń jáne Reseı Federatsııasynyń qarýly kúshteri múddelerinde áskerı-tehnıkalyq yntymaqtastyq salasyndaǵy birlesken jumystardyń baǵdarlamalaryn ázirleý jáne iske asyrý týraly kelisimdi ratıfıkatsııalaý týraly» zań jobasyn qaraıtyn boldy.
