Senattyń 2014 jylǵa arnalǵan is-sharalar jospary bekitildi

Konstıtýtsııalyq zańnama, sot júıesi jáne quqyq qorǵaý organdary komıtetine Qazaqstan Respýblıkasy Joǵarǵy Sotynyń sýdıalaryn bosatý jáne saılaý týraly Qazaqstan Respýblıkasynyń Prezıdenti usynǵan kandıdatýralardy talqylap, olar boıynsha qorytyndy ázirleý tapsyryldy.

Áleýmettik-mádenı damý komıtetine Májiliste maquldanǵan Qazaqstan men Qyrǵyzstannyń Qyrǵyz Respýblıkasynda mektep salý týraly úkimetaralyq kelisimin jáne taraptar arasyndaǵy 2012 jylǵy 22 tamyzdaǵy kelisimge ózgerister engizý týraly hattamany ratıfıkatsııalaý týraly zań jobasy berildi. Halyqaralyq qatynastar, qorǵanys jáne qaýipsizdik komıtetine zańnamaǵa Qazaqstan Respýblıkasynyń halyqaralyq sharttary máseleleri boıynsha ózgerister men tolyqtyrýlar engizý týraly zań jobasy bólindi. Ekonomıkalyq damý jáne kásipkerlik komıteti zańnamaǵa memlekettik satyp alý máseleleri boıynsha ózgerister men tolyqtyrýlar engizý týraly zań jobasyna bas komıtet bolyp belgilendi.

Senattyń 26 jeltoqsandaǵy kezekti otyrysynda Joǵarǵy Sottyń sýdıalaryn bosatý jáne saılaý, Keden odaǵynyń biryńǵaı keden aýmaǵynda syrtqy jáne ózara saýdada elektrondyq qujattar almasý kezinde aqparattyq tehnologııalardy qoldaný týraly kelisimdi ratıfıkatsııalaý; Keden odaǵynyń syrtqy jáne ózara saýdasynyń ıntegratsııalanǵan aqparattyq júıesin qurý, onyń jumys isteýi jáne damýy týraly kelisimdi ratıfıkatsııalaý; Qazaqstan men Qyrǵyzstan Úkimetteri arasyndaǵy Qyrǵyz Respýblıkasynda mektep salý týraly kelisimdi jáne taraptar arasyndaǵy 2012 jylǵy 22 tamyzdaǵy kelisimge ózgerister engizý týraly hattamany ratıfıkatsııalaý týraly máselelerdi qaraý josparlandy. Senat zańnamaǵa memlekettik satyp alý máselelerin boıynsha ózgerister men tolyqtyrýlar engizý týraly zań jobasyn birinshi oqylymda qaraıdy. Odan basqa, zańnamaǵa qarjylyq (ınvestıtsııalyq) pıramıdalardyń qyzmetine qarsy is-qımyl máseleleri boıynsha ózgerister men tolyqtyrýlar engizý týraly; zańnamaǵa sáýlet,qala qurylysy jáne qurylys qyzmeti máseleleri boıynsha túzetýler, sondaı-aq zańnamaǵa agroónerkásiptik keshen máseleleri boıynsha ózgerister men tolyqtyrýlar engizý týraly zań jobalaryn ekinshi oqylymda qaraý josparlandy.

Bıýro músheleri Qazaqstan Respýblıkasy Parlamenti Senatynyń 2014 jylǵa arnalǵan negizgi is-sharalar josparyn da negizinen maquldady. Qujatta Prezıdent N.Á.Nazarbaevtyń «Qazaqstan - 2050» Strategııasy: qalyptasqan memlekettiń jańa saıası baǵyty» Joldaýyn, sondaı-aq Parlamenttiń kezekti sessııasynyń ashylýynda Memleket basshysy belgilegen basymdyqtardy iske asyrýǵa baǵyttalǵan depýtattardyń zań shyǵarý jumystary kórinis tapty.

Senatta jyl ishinde jańa bıýdjet saıasaty, memlekettik josparlaý júıesin jetildirý, aqparattyq qaýipsizdik, dene shynyqtyrýdy damytý, buqaralyq sport jáne salamatty ómir saltyn qalyptastyrý máseleleri boıynsha úkimettik saǵattar ótedi. Elimizdiń jasyl ekonomıkaǵa kóshý máseleleri boıynsha parlamenttik tyńdaý 2014 jylǵy ІV toqsanǵa josparlandy.

Senat komıtetteri elimizdiń aımaqtarynda taqyryptyq kóshpeli otyrystar ótkizetin bolady. Onda memlekettik shekara týraly zańnamany iske asyrý, ındýstrııalyq-ınnovatsııalyq qyzmetti memlekettik qoldaý, «Jumyspen qamtý - 2020» baǵdarlamasyn júzege asyrý, shaǵyn jáne orta bıznesti damytý, quqyq qorǵaý organdary men sottardy reformalaý, bıýdjet úderisterin jetildirý jáne balyq sharýashylyǵyn damytý máselelerin talqylaý kózdelip otyr.

Senattaǵy birqatar dóńgelek ústelder men ǵylymı-tájirıbelik konferentsııalar aımaqtardy gazben qamtý, ǵylymı-tehnıkalyq bilim berý júıesin damytý, qylmystyq-atqarý júıesiniń problemalary, ákimshilik zańnamasyn reformalaý, kooperatsııa máseleleri jónindegi zańnamany jetildirý, ǵylymı zertteýlerdiń tıimdiligin quqyqtyq turǵyda qamtamasyz etý, sondaı-aq salyq jeńildikterin ońtaılandyrý jáne olardyń tıimdiligin arttyrý máselelerine arnalatyn bolady.

Senatorlar ortalyq jáne jergilikti atqarýshy organdardyń, damý ınstıtýttary jáne oqý oryndarynyń basshylarymen kezdesýler ótkizedi. Depýtattar toqsan saıyn aımaqtarǵa dástúrli saparǵa shyǵady. Jergilikti ókildi organdarmen, onyń ishinde «Óńir» depýtattyq toby arqyly ózara is-qımyl jalǵasatyn bolady.

Senattyń halyqaralyq sharalary arasynda 2014 jylǵy qyrkúıekte ótetin Álemdik jáne dástúrli dinder lıderleri Sezi Hatshylyǵynyń HІІІ otyrysyn, Senat Tóraǵasy men depýtattary BUU, EQYU, TMD, EýrAzEQ, UQShU, Eýropa Keńesi, NATO parlamentaralyq forýmdarynyń, «Qazaqstan Respýblıkasy - Eýropa Odaǵy» Parlamenttik yntymaqtastyq komıtetiniń sharalaryna qatysatynyn atap ótý kerek. Odan basqa, ekijaqty resmı saparlar, sondaı-aq shet memleketter parlamentterimen yntymaqtastyq toptary boıynsha kezdesýler josparlandy.