Senattaǵy kezdesý barysynda aýyldaǵy baılanysty jaqsartý máseleleri talqylandy
TANA. 5 qazan. QazAqparat /Qanat Mámetqazyuly/ - Búgin QR Parlamenti Senatynyń depýtattary Baılanys jáne aqparat mınıstri Asqar Jumaǵalıevpen kezdesti.
Kezdesýdiń kún tártibi boıynsha aýyldyq óńirlerdi telefondandyrý jáne uıaly baılanysty paıdalaný máseleleri talqylandy. Sonymen qatar, júzdesý barysynda depýtattar Baılanys jáne aqparat mınıstrliginiń qyzmetine qatysty jan-jaqty málimetter alyp, ózderi kótergen saýaldaryna tolyqqandy jaýaptar aldy.
«Aqparattyq keńistikke qatysty máselelerdiń mańyzdylyǵyna toqtala kele, Memleket basshysy N. Nazarbaev jaqynda BUU Bas Assambleıasynyń sessııasynda jahandyq aqparattyq keńistikke qatysty halyqaralyq quqyqtyq bazany qalyptastyrýdyń qajettiligin aıtqan bolatyn. Al elimizdegi bul salanyń damýyna keletin bolsaq, sektor qyzmetin retteýge qatysty birqatar zańdar qabyldandy. Ondaı zańdyq qujattardyń barshasy aqparattyq saladaǵy zamanaýı ınfraqurylymdardy damytýǵa baǵyttalady. Budan bólek, aǵymdaǵy jazda qabyldanǵan taǵy bir zańnamaǵa sáıkes, Halyqqa qyzmet kórsetý ortalyqtarynyń fýnktsııalary Baılanys jáne aqparat mınıstrligine berildi. Al búgingi kúni osy máselemen aınalysatyn komıtettiń qaramaǵyna 548 halyqqa qyzmet kórsetý ortalyqtary berilip otyr», - dedi jıyndy kirispe sózben ashqan Ekonomıkalyq jáne óńirlik saıasat komıtetiniń tóraıymy Nurlyǵaıym Joldasbaeva.
Kezdesý barysynda Baılanys jáne aqparat mınıstri A. Jumaǵalıev senatorlar aldynda vedomstvonyń aldaǵy ýaqyttaǵy damý josparlary týraly baıandama jasap, mınıstrlik qyzmetindegi teleradıo taratý, sandyq teledıdarǵa kóshý, «e-Úkimetti» damytý sharalaryna keńinen toqtaldy. Onyń ishinde aýyldyq jerlerdegi baılanys sapasyn jaqsarta túsý týraly jan-jaqty baıandaldy. «Qazaqtelekom» AQ-nda engizilip jatqan jańa jobalar týraly da áńgime órbidi.
