Senatta zııatkerlik menshik quqyǵyn qorǵaý máseleleri talqylandy
Senattaǵy Konstıtýtsııalyq zańnama, sot júıesi jáne quqyq qorǵaý organdary komıtetiniń hatshysy Qanatbek Safınov otyrysty asha kelip, zııatkerlik menshik quqyǵyn qorǵaý eldiń ekonomıkalyq ósý qarqynyn qamtamasyz etýdegi mańyzdy sharttardyń biri ekenin atap ótti. Qazaqstan DSU-ǵa kirgennen keıin ol mańyzdy máselege aınalyp otyr. Senator sondaı-aq Parlament depýtattary Vladımır Volkov, Sáýle Aıtpaeva jáne Gúlnara Bıjanova bastamasymen ázirlengen zań jobasy zııatkerlik menshik salasyndaǵy zańnamany jetildirýge yqpal etýi tıis ekenin atap ótti.
«Usynylyp otyrǵan túzetýler quqyqtardy ujymdyq negizde basqaratyn uıymdar men Qazaqstan Respýblıkasyndaǵy patenttik senim bildirilgen ókilder qyzmetiniń ashyqtyǵyn arttyrýǵa baǵyttalǵan. EYDU elderiniń tájirıbesine sáıkes sondaı zııatkerlik menshik obektisin «geografııalyq kórsetkish» retinde engizý, sondaı-aq taýarlyq belgiler quqyǵyn qorǵaýdy kúsheıtý kózdelip otyr», - dedi Qanatbek Safınov.
Ádilet mınıstriniń orynbasary Aqerke Ahmetova Zııatkerlik menshik salasyn damytý tujyrymdamasy men Jol kartasy jobasyn daıyndaý barysy týraly senatorlarǵa aıtyp berdi.
Onyń aıtýynsha, Tujyrymdamada zııatkerlik menshik quqyǵyn qorǵaý men qorǵaýǵa baılanysty barlyq memlekettik organdardyń qyzmetin qamtý usynylǵan.
2020 jyly Zııatkerlik menshik ınstıtýty 14 myńnan astam qyzmet kórsetken bolatyn. Olardyń ishinde zııatkerlik menshik obektileriniń quqyqtaryn tirkeý jáne qorǵaý qujattaryn berý, avtorlyq quqyqpen qorǵalatyn jáne t. b. obektilerge quqyqtardyń memlekettik tizilimine málimetterdi engizý jáne olardy ózgertý de bar.
Senator Qanatbek Safınov kezdesýdi qorytyndylaı kelip, depýtattar mınıstrlik pen ınstıtýt usynǵan aqparat nazarǵa alynatyny jáne keıinnen zań shyǵarý qyzmetinde eskeriletinin atap ótti.
