Senatta zeınetaqymen qamsyzdandyrý máselesine qatysty qujat qaraldy
ASTANA. 23 qarasha. QazAqparat /Aıdar Ospanalıev/ - Búgin Parlament Senatynyń áleýmettik-mádenı damý komıtetiniń keńeıtilgen otyrysynda «Qazaqstan Respýblıkasynda zeınetaqymen qamsyzdandyrý týraly» Qazaqstan Respýblıkasynyń zańyna ózgerister engizý týraly» zań jobasy qaraldy.
Atalmysh qujat halyqty zeınetaqymen qamtamasyz etý deńgeıin kóterý jáne Memleket basshysynyń 2008 jyldyń 6 aqpanyndaǵy «Qazaqstan halqynyń ál-aýqatyn arttyrý - memlekettik saıasattyń basym maqsaty» atty Joldaýyn iske asyrý maqsatynda ázirlengen. Oǵan sáıkes, 2011 jyldyń 1 qańtarynan bastap, zeınetaqy tólemderiniń mólsheri 30 paıyzǵa arttyrylýy tıis.
Otyrysta osy qujat boıynsha baıandama jasaǵan Eńbek jáne halyqty áleýmettik qorǵaý mınıstrliginiń Jaýapty hatshysy Tamara Dúısenovanyń aıtýynsha, zań jobasynyń talaptaryna sáıkes, sondaı-aq osyǵan deıin jáne endi zeınetke shyǵatyn zeınetkerlerdiń zeınetaqylary birdeı bolýy úshin eń joǵary tabystyń mólsheri 39 aılyq eseptik kórsetkishke kóterilip otyr. Al áskerı qyzmetshilerge beriletin zeınetaqynyń eń joǵary mólsheri 86 aılyq eseptik kórsetkishten 104 aılyq eseptik kórsetkishke deıin arttyrylǵan.
«Zań jobasynyń qarjylyq mindettemeleri respýblıkalyq bıýdjette kórsetilgen. ıAǵnı, endigi jyly bazalyq zeınetaqyǵa 168 mıllıard teńge qaralǵan. Bul bıylǵy jylmen salystyrǵanda 48 mıllıard teńgege artyq. Al yntymaqtyq zeınetaqyǵa 581 mıllıard teńge qarastyrylyp otyr», dedi Jaýapty hatshy.
Otyrysta atalmysh qujatty jan-jaqty talqylaǵan senatorlar ony Senattyń jalpy otyrysynda qaraý qajet dep sheshti.
