Senatta túrki memleketteri yntymaqtastyǵyn tereńdetý máseleleri talqylandy

NUR-SULTAN. QazAqparat - Qazaqstan Parlamenti Senaty Tóraǵasynyń orynbasary Asqar Shákirov túrkitildes elder Parlamenttik Assambleıasynyń jańadan taǵaıyndalǵan Bas hatshysy Mehmet Sýreııa Ermen kezdesti, dep habarlaıdy QazAqparpat.

Taraptar Túrkitildes memleketter yntymaqtastyǵy keńesiniń Túrkitildes memleketter uıymy bolyp qaıta atalýyn jáne «Túrki áleminiń keleshegi-2040» tujyrymdamalyq qujatynyń qabyldanýyn quptady.

Kezdesý barysynda parlamentshilerdiń túrki memleketteri arasyndaǵy yntymaqtastyqty odan ári tereńdetýdi kózdeıtin Túrkistan deklaratsııasynyń negizgi tarmaqtaryn iske asyrýdaǵy jumysyna qarqyn berý qajettigi atap ótildi. Sondaı-aq Qazaqstannyń TúrkPA-ny odan ári jańǵyrtý jónindegi usynystaryn maquldaý, oǵan qosa Assambleıa hatshylyǵyn nyǵaıtý, Uıym reglamentiniń jumysyn jetildirý, shtaty men bıýdjetin ulǵaıtýdyń mańyzdy ekeni atalyp ótti.

Senat Tóraǵasynyń orynbasary qazaqstandyq parlamentshilerdiń osy halyqaralyq uıymynyń jumysyna qatysýynyń mańyzdy ekenine toqtaldy.