Senatta TMD Parlamenttik Assambleıasynyń marapattary tabys etildi

ASTANA. QazAqparat - Elimizdiń bir top shyǵarmashylyq zııaly qaýym ókilderi Táýelsiz Memleketter Dostastyǵyna qatysýshy memleketter Parlamentaralyq Assambleıasynyń qurmetti belgisimen marapattaldy.

Marapattardy Parlament Senaty Tóraǵasynyń orynbasary Qaırat Işanov tabys etti.

«Egemen Qazaqstan» gazetiniń bas redaktory Janbolat Aýpbaev, «Habar» agenttiginiń shef-redaktory Rýslan Ospan jáne «Kazahstanskaıa pravda» gazetiniń Laýra Túsipbekova «Baspasózdi jáne aqparatty damytýǵa sińirgen eńbegi úshin» qurmetti belgisimen marapattaldy.

«Astana Ballet» ujymynyń kórkemdik jetekshisi, Qazaqstan Respýblıkasynyń eńbek sińirgen qaıratkeri Alıla Alısheva, Astana qalasyndaǵy M. Gorkıı atyndaǵy orys drama teatrynyń dırektory, Qazaqstan Respýblıkasynyń eńbek sińirgen qaıratkeri Erkin Qasenov jáne jazýshy, dramatýrg Roza Muqanova «Mádenıet jáne ónerdi damytýǵa sińirgen eńbegi úshin» qurmetti belgisimen marapattaldy.