Senatta «Teńizshevroıl» JShS qyzmetiniń tanystyrylymy boldy
ASTANA. Maýsymnyń 8-i. QazAqparat /Qanat Mámetqazyuly/ - Búgin QR Parlamenti Senatynda palata tóraǵalarynyń orynbasarlary Muhambet Kópeev pen Aleksandr Sýdınniń qatysýymen «Teńizshevroıl» JShS qyzmetiniń tanystyrylymy ótti. Sharaǵa palatanyń Ekonomıkalyq jáne óńirlik saıasat komıtetiniń basshysy Nurlyǵaıym Joldasbaeva jetekshilik etti,
dep habarlaıdy QazAqparat.
Jıyn barysynda jumystyń negizgi baǵyttary boıynsha qol jetken nátıjeler týraly depýtattardy habardar ete kelip, kásiporyn bas dırektory Todd Levı kompanııanyń strategııalyq maqsattary men ustanymdary týraly áńgimeledi. Tanystyrylym aıaqtalǵannan keıin kompanııanyń bas dırektory qorshaǵan ortany qorǵaý jáne salyq zańdarynyń oryndalýyna, qazaqstandyq mazmundy ulǵaıtýǵa, mamandardy oqytý jáne daıarlaýǵa, qazaqstandyq mamandar eńbegine aqy tóleýge baılanysty depýtattardyń saýaldaryna jaýap berdi. T.Levı sondaı-aq óndiristiń qorshaǵan ortaǵa áserin azaıtý, aımaqtyń ınfraqurylymyn damytýdy ınvestıtsııalaý máselelerine de toqtaldy.
